2 CORINTO 8:12 - Maung A Balita Biblia

¹² No mabolus kayon mangiter, awatey Dios so iter yo. Awaten to onung na walad sikayo, aliwan onung na anggapod sikayo.

Maung a Balita Biblia

¹² No mabolus kayon mangiter, awatey Dios so iter yo. Awaten to onung na walad sikayo, aliwan onung na anggapod sikayo.

2 CORINTO 8:12 Referans Kwoze

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

1 Pedro 4:10

Singa maung a manangasikasoy nandoroman rigaloy Dios, nepeg ya ikana na balang sakey so langkap na Dios ed sikato a pankaabigay arum a totoo.

Exodo 35:5

Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;

Exodo 25:2

“Ibagam ed saray Israelita a mangibagat irad siak. Awat mo so antokaman a bagat ya iter a mabolbolus ed siak na siopaman a too.

Lucas 16:10

Siopamay napampiaan ed saray ankekelag a bengatla, napampiaan met ed saray ankakabaleg a bengatla. Siopamay ag napampiaan ed saray ankekelag a bengatla, ag napampiaan met ed saray nakakabaleg a bengatla.

Probirbio 19:22

Kapepelag ed kababaingan so inkaagom; magmaung ni ray totoon mairap-bilay nen saray totoon matila.

2 Saray Awaran 6:8

balet inkuan na Katawan ed sikato, ‘Maung so impanpilalek mon mamaalagey na timplo a para siak,

2 CORINTO 8:11

Ituloy tan sumpal yo natan sirin yan kimey. Pampelengan yon isumpal a singa impanpeleng yon angiplano, tan gawa yo onung na anggaay nayarian yo.

2 CORINTO 8:13

Ag ko getman palemewen iray arum diad pamabelat kod sikayo; ingen, lapud dakel yo natan, manepeg met ya ontulong kayod saray kaukolan da. Et no mankaukolan ki met tan dakel da, tulongan da kayo met. Diad onya, mampapara kayo.

2 CORINTO 8:19

Aliwan satan labat, sikatoy pinili met tan tinoro na saray iglisia a kaiba min mambiahi legan min manlilingkur lapud aro. Sayan panaglingkur et pakagalangay Katawan, tan pakanengnengay panlabay min ontulong.

Exodo 35:24

Amin a totoon nayarian day mangiter na pilak odino gansa, inyaakar da ya imbagat ed Katawan, tan amin a walaan na tablan akasia a nayarin ikana ed antokaman a kimey, inyaakar da.

Mateo 25:17

Ontan met so ginawa to may akaawat na duan libo, tan akatuboy duan liboy pisos.

Mateo 25:22

Linma met imay naitdan na duan liboy pisos tan inkuanto, ‘Amo, nia may inter mod siak a duan liboy pisos. Nia met so duan liboy pisos a tinubok!’