2 CORINTO 6:17 - Maung A Balita Biblia

¹⁷ Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Maung a Balita Biblia

¹⁷ Kanyan ibabagay Katawan, Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

2 CORINTO 6:17 Referans Kwoze

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.

Puyan 18:4

Nadngel kon nanlapud tawen so sakey nin bosis ya inkuanto, “Paway kayod sikato, totook, paway kayo! Ag kayo nepeg a mibiang ed saray kasalanan to; ag kayo nepeg a nadusan kaiba to!

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Saray Bilang 16:26

Inkuanen Moises ed saray totoo, “Arawian yo ray tulda na sarayan maoges a totoo tan ag yo didiwiten so antokaman a kayaryan da. Ta no diwiten yo, nakaiba yo ran naandipat lapud saray amin a kasalanan da.”

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Esdras 6:21

Saramay bagat et kinan na amin da ray Israelitan pinmawil tan saray amin a totoon tinondaan day paganon kagagawa na saray arum a totoon manaayam ed saman a dalin tan dinmago ran mangigalang ed Katawan a Dios na Israel.

Saray Bilang 16:21

“Arawian yo ra yan totoo, ta deralen ko ran tampol.”

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Saray Taga Roma 15:7

No panoy impangawat nen Cristo ed sikayo, ontan met komun so panaawatay sakey tan sakey ed sikayo, pian napagalangan yoy Dios.

Jeremias 15:17

Ag ko inarap so akiliket-liket tan akielek-elekan ed saray totoo. Lapud impangonur kod saray ganggan mo, nambukbukor ak tan napno ak na pasnuk.

Deuteronomio 14:6

dinan man ya ayep a pisag so koko to tan mamparintek.