2 CORINTO 5:4 - Maung A Balita Biblia

⁴ Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

Maung a Balita Biblia

⁴ Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

2 CORINTO 5:4 Referans Kwoze

2 CORINTO 5:2

Mankoranges itayon tua natan diad sayan abung tayo tan pampilalekan ti lay nakawesan na abung tayod tawen.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

2 Pedro 1:13

Ipapasen kon dugay pangipanunot kod sikayo, sanlegan a mambibilay ak ni.

Isaias 38:12

Apoltut so bilay ko tan nansamput la. Singa sakey a tuldan inkusbo, Singa abel ya apaksut ed panaginarameyan. Abaloan kon pansasamputen la na Dios so bilay ko.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

1 CORINTO 15:51

Dengel kayod sayay niamut a katwaan ya ibagak: ag itayo ompatey ya amin, balet naoman itayon amin,

2 CORINTO 5:3

Ta no nakawesan itayo lad saya, ag itayo naalmoan a lakseb.