2 CORINTO 5:1 - Maung A Balita Biblia

¹ Ta amta tayo a no naderal so tuldan panaayaman tayo natan—say mangaraldalin a laman tayo—walay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

Maung a Balita Biblia

¹ Ta amta tayo a no naderal so tuldan panaayaman tayo natansay mangaraldalin a laman tayowalay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

2 CORINTO 5:1 Referans Kwoze

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

2 CORINTO 4:7

Balet sikamin walay maispiritun kayamanan et singa kami saray bangan lopuk, pian nipanengneng a say Dios, aliwan sikami, so kawalaay sankatageyan a pakayari.

Saray Hebreo 9:11

Balet sinmabi lay Cristo a Pangulon Pari na saray maung a bengatlan wadya la ra. Lalon matalonggaring tan lalon nagnap niy panlilingkuran ton tulda ya ag ginaway too, labay ton ibaga, aliwan kabyangan na sayan mundon pinalsa.

Say Libro nen Job 4:19

Panon to sirin a panmatalkan so toon pinalsad pitek, sakey a bengatlan dabuk a nayarin liresen a singa bigis?

1 Pedro 1:4

tan say panawir tayoy bindision ya ag naderal, ag naboluk, o onkupas. Akaparaan yan bindision ed sikayo dimad tawen.

2 CORINTO 5:4

Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Marcos 14:58

“Nadngel min inkuanto, ‘Gebaen ko yan Timplo a ginaway too, insan kayariy taloy agew mangipaalagey ak na sananey ya aliwan ginaway too.’”

2 Pedro 3:11

Lapud onyay pansumpalay amin a bengatla, nepeg a masanto so bilay yo tan nisaklang ed Dios,

COLOSAS 2:11

Lapud pikakasakey yod Cristo atandaan kayoy segat aliwan lapud impakagerger ed laman yo, no ag lapud nakal kayo lad maoges a pakayariy laman. Sayan segat nanlapud Cristo.

1 Juan 3:19

Saya sirin so pakaamtaan tayon wala tayod katwaan. Sikato ya met so pakadeenay konsinsia tayod arap na Dios.

1 Juan 3:14

Amta tayon imbeneg ti lay patey tan wala ti lad bilay, ta inaro tayo ray agagi tayo. Siopamay ag mangaaro, wala ni ed patey.

Saray Hebreo 11:10

Ta inalagar nen Abraham so siudad ya ag naderal iray pundasion to. Implano tan impaalagey na Dios yan siudad.

1 CORINTO 3:9

Nampapara kamin kumikimey na Dios, tan sikayoy alog to. Sikayo met so paalagey na Dios.

Saray Salmo 56:9

Diad agew ya itatawag kod sika, ompopoliktar iray kalaban ko. Say amtak saya: say Dios et gampid siak—

Say Libro nen Job 30:22

Aabuloyan mon itikyab ak ed arawi na dagem; papaibasig-basig mo ak ed maples a bagyo.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

Isaias 38:12

Apoltut so bilay ko tan nansamput la. Singa sakey a tuldan inkusbo, Singa abel ya apaksut ed panaginarameyan. Abaloan kon pansasamputen la na Dios so bilay ko.

Saray Gawgawa 7:48

“Anggaman ontan, say Sankatageyan a Dios ag manayam ed saray abung ya impaalagey na too. Onung na inkuay propita,