2 CORINTO 3:7 - Maung A Balita Biblia

⁷ Nen niiter so Ganggan a nikorit ed tapyak a bato, katekep a nipatnag so kagalangay Dios. Lapud makalaram a maung so lupa nen Moises, nasisileng iray Israelita no onnengneng irad sikato, anggaman a kinmupas lamlamang. No say panaglingkur onung ed Ganggan a patey so inter to et sinmabin katekep toy marlang a kagalangan,

Maung a Balita Biblia

⁷ Nen niiter so Ganggan a nikorit ed tapyak a bato, katekep a nipatnag so kagalangay Dios. Lapud makalaram a maung so lupa nen Moises, nasisileng iray Israelita no onnengneng irad sikato, anggaman a kinmupas lamlamang. No say panaglingkur onung ed Ganggan a patey so inter to et sinmabin katekep toy marlang a kagalangan,

2 CORINTO 3:7 Referans Kwoze

1 CORINTO 13:10

Balet no onsabi lay ayadyari, naekal lay aliwan ayadyari.

Saray Taga Roma 10:4

Si Cristo so pansumpalay Ganggan, kanyan siopamay manisiad sikato, napaandi so kasalanan tod arap na Dios.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

2 CORINTO 3:3

Malinew a sikayo so sulat nen Cristo ya impawit ed panamegley mi. Aliwan tinta so impangisulat ed saya, no ag ingen say Ispiritu na mabilay a Dios; tan aliwan diad tapew na baton tapyak so angisulatan, no ag ingen diad pusoy katoowan.

Exodo 24:12

Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.”

Saray Taga Roma 4:15

Say Ganggan so panlapwan na pasnuk na Dios; ta no anggapoy ganggan, anggapo met so sumlangen a ganggan.

Saray Salmo 119:97

Agaylay panangarok ed ganggan mo! Lawas kon dadalepdepen.

Saray Taga Roma 7:10

tan siak so inatey. Say ganggan sirin a nepeg a mangiter na bilay, patey la laingey inter tod siak.

Saray Gawgawa 6:15

Amin ya akayorung ed Sanidrin ninengneng dan maung si Esteban, et anengneng dan singa lupay anghil so lupa to.

Saray Salmo 119:174

Pampilpilalekan koy manangilaban a tulong mo, Katawan! Panliliketan koy ganggan mo.

Deuteronomio 9:15

“Kanyan inmakseb ak a nanlapud palandey a sankaawit ko ra may duaran tapyak a baton akaitatakan na sipanan. Diad saman manliub ya apoy so manlalapud palandey.

Saray Taga Roma 7:22

Diad otel na pusok, malikeliket ak ed ganggay Dios.

Deuteronomio 4:13

Imbaga tod sikayo so nepeg yon gawaen pian nasumpal yo so impisipanan tod sikayo—nepeg yon onuren so Samploran Ganggan ya insulat tod duaran tapyak a bato.

Exodo 34:1

Say Katawan kuantod kinen Moises, “Manabas ka na duaran tapyak a bato a singa saramay inmona, ta itatak kod sikara iray salitan nitatak ed saramay inmonan duaran tapyak a bato ya imbetag mo.

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Genesis 3:21

Insan say Katawan a Dios nanggawa na saray kawes a katat a para si Adan tan samay asawa to, tan kinawesan to ra.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Deuteronomio 5:22

“Sikara yay ganggan ya inter ed sikayo na Katawan nen nantitipon kayo ed palandey. Nen nansalitad sikayo diad panamegley na makapanyarin bosis a nanlapud apoy tan nanlapud makapal a lorem, inter to ra yan ganggan tan anggapo lay arum. Insan to ra intatak ed duaran tapiak a bato tan inter to rad siak.

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.

Saray Taga Roma 7:5

Ta nen mambibilay itayo ni onung ed natural ya inkatoo tayo, saray makasalanan a pilalek a pinabiskeg na Ganggan so anagdag ed saray kabyangay laman tayo a manggaway bengatlan mambungay patey.

2 CORINTO 3:8

ag kasi lalon marlang so kagalangan ya iter na panaglingkur onung ed Ispiritu?

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

TAGA GALACIA 3:21

Labay to yan ibaga kasi a say Ganggan et sumlang ed saray sipay Dios? Andi! Ta no niiter so sakey a ganggan a makapangiter na bilay ed katoowan, say too sirin magmaliw a matonung ed arap na Dios diad panamegley na ganggan.

Saray Hebreo 3:3

Baleg so kagalangay toon angipaalagey na abung nen say dilin abung. Ontan met a baleg niy kagalangan nen Jesus nen say kagalangan nen Moises.

Saray Hebreo 12:18

Ag kayo inmasingger, a singa inyasingger na saray Israelita nen saman, ed sakey a palandey a nayarin diwiten—diad Palandey na Sinai a kawalaay manliub ya apoy, bilonget tan ermen, maksil a dagem,