2 CORINTO 2:3 - Maung A Balita Biblia

³ Kanyan sinulat ta ki ni, ta ag la pigan napaermen ak na saray totoon nepeg a mamaliket ed siak. Ta manisia ak a say liket ko liket yo met ya amin.

Maung a Balita Biblia

³ Kanyan sinulat ta ki ni, ta ag la pigan napaermen ak na saray totoon nepeg a mamaliket ed siak. Ta manisia ak a say liket ko liket yo met ya amin.

2 CORINTO 2:3 Referans Kwoze

TAGA GALACIA 5:10

Lapud pikakasakey tid Katawan, maniilalo ak ya ag mangomay kanunotan yo nipaakar ed saya, tan maniilalo ak met a dusaen na Dios so anggan siopa a toon manggugunigon ed sikayo.

2 CORINTO 8:22

Kanyan pilaen mid sikara so agi mi; amimpiga mi lan asubok tan arumog min mampirpirawat ya ontulong. Natan ta balbaleg lay panagmatalek tod sikayo, lalon pirawat toy ontulong ed sikayo.

Filemon 1:21

Ag ko panduaruwaan, legan kon isusulat ya, a gawaen mo ray kekerewen kod sika, tan amtak a pasolukan mo ni ingen.

2 CORINTO 7:12

Kanyan anggan ginawak man a sulat, ginawak ya aliwan lapud samay toon nankasalanan o samay toon nankasalananan. Ingen ginawak a pamalinew kod sikayo, diad arap na Dios, na ontan lan panamabli yod sikami.

2 TESALONICA 3:4

Say Katawan so mangiiter na panmamatalek mid sikayo; ag mi panduaruwaan a gagawaen yo, tan ituloy yon gawaen iray ingganggan mid sikayo.

2 CORINTO 12:21

Mapaga ak, ta ompan diad ontombuk ya iyakar kod tan et say Dios ko paabebaen to ak ed arap yo, tan pannangisan kod satay impankasalanan na saray dakel ya ag da ni nagbabawian iray ginagawa ran karotakan, saray ginagawa ran inmoralidad tan pilalawanan.

2 CORINTO 12:11

Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya “apostol”.

2 CORINTO 7:8

Anggaman ya apaermen ta kid samay sulat ko, ag ko pagbabawiay impansulat ko. Nepeg ak komun a nanermen nen anengneng kon apaermen ta kin agano lapud saman a sulat.

2 CORINTO 7:6

Balet say Dios a manliligliwad saray nanaekalay ilalo, niligliwa to kami diad insabi nen Tito.

2 CORINTO 1:15

Mailalo ak ed saya, kanyan implanok ya onona a bisitaen ta kayo, pian nadobliay liket yo.

1 CORINTO 4:21

Antoy labay yo: onla ak ditan ya awit koy pekpek, odino onla ak ditan ya maararo tan maoyoyamo?

2 CORINTO 1:23

Say Dios so tasik—kabat toy walad dalem na pusok. Nununoten ta kayo, kanyan ag ak nid tan linmad Corinto.

2 CORINTO 2:9

Say sakey nin makasengeg no akin et sinulat ta kayo, say panubok kod sikayo tan say pangamtak no oonuren yo ray amin a bangabangat ko.

2 CORINTO 7:16

Agaylay liket ko, ta nagnap a napanmatalkan ta kayo!

2 CORINTO 13:10

Isusulat ko ra yan bengatla legan ya andi ak nid tan, pian no onsabi ak et ag la nakaukolan a masebesebeg ak ed sikayo, diad pangikanak na pakayarin inter ed siak na Katawan. Niiter ed siak yan pakayari a pankaabigan yo, aliwan kaderalan yo.