2 CORINTO 13:11 - Maung A Balita Biblia

¹¹ Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

Maung a Balita Biblia

¹¹ Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

2 CORINTO 13:11 Referans Kwoze

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Saray Taga Roma 15:33

Walad sikayon amin komuy Dios a panlalapway kareenan tayo. Amen.

Saray Taga Roma 12:18

No nayari, diad anggaay nayarian yo, piolupan yon amiy too.

Marcos 9:50

Maung so asin, balet no tinmabang la, panoy pakapangipawil na gendat a taway to? Magmaliw kayo komun a singa kipapasen na asin et, diad ontan, mareen so panoolup yo.”

1 Pedro 3:11

Nepeg to lan ibeneg so kaogsan tan manggawa lay kamaungan; nepeg to met lan anapey kareenan tan pampilalekay pambilay a mareen.

2 CORINTO 13:9

No makapoy kami et mabiskeg kayo, siansian panliketan mi. Ipipikasi mi a nayadyari kayo komun.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

Santiago 1:4

Tan mansiansia kayon mantepel ya anggad kasamputan, pian magmaliw kayon ayadyari tan nagnap tan anggapoy pankulangan.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

FILIPOS 4:9

Gawa yo ray bengatla onung na naaral, naawat, nadngel tan anengneng yod siak. Diad ontan, niwalad sikayoy Dios a manangiter na kareenan.

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Puyan 22:21

Amin komun a too et nawalaay bindision na Katawan a Jesus.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

1 TESALONICA 5:16

Manliket kayo lawas.

1 TESALONICA 5:13

Iter yod sikaray sankabalgan a panamagalang tan panangaro lapud kimey a gagawaen da. Gawa yon mareen so panoolup yo.

1 TESALONICA 4:18

Kanyan manliligliwaan kayo diad panamegley na sayan bangat.

FILIPOS 4:4

Manliket kayo lawas ed Katawan. Oliten ko: manliket kayo!

FILIPOS 4:2

Euodia tan Sintike, kekerewen kod sikayon mampawilan ki la, ta sanagi kid Katawan.

FILIPOS 3:16

Anggan anto balet so kanunotan tayo, ituloy tayoy korang tayo, onung ed saray totontonen a totombuken tayo ya anggad natan.

TAGA-EFESO 6:23

Say kareenan tan aro a katekep na pananisia so iter komuy Dios Ama tan Katawan a Jesu-Cristo ed saray agagi.

2 CORINTO 1:4

Liligliwaen to itayo ed amin a kairapan tayo, pian makatulong ti met ed saray arum a walad antokaman a kairapan diad panamegley na ligliwan inawat tayod sikato.

Saray Gawgawa 23:30

Nen nadngelan kon implano na saray Judio a pateyen da, impaiyakar kon tampol ed sika. Imbagak ed saray mangaakusad sikato a diad sika lay pangisegepan day kaso.”

Saray Gawgawa 18:21

Anggaman ontan, inkuantod sikara nen onsisiput la, “Ompawil ak dia, no linaway Dios.” Tinmaynan ed Efeso tan linmogan ya ombaliw ed dayat.

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Juan 17:23

Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.

Lucas 9:61

Inkuan met na sakey, “Ontombuk ak ed sika, Katawan, balet abuloyan mo ak nin mampatanir ed pamilyak.”

Marcos 10:49

Tinmonday Jesus tan impatawag to. Kanyan tinawag da may bulag tan kuanda, “Pabiskeg moy linawam. Alagey ka, ta patatawag to ka.”

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.”

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Genesis 45:24

Pinasiput to ray agagi to tan binilin to ra, “Ag kayo mansesebeg ed dalan.”

Genesis 37:4

Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

TAGA-EFESO 4:3

Gawa yoy anggaay nayarian yo a pansiansiaey pankakasakey a manlalapud Ispiritu, diad panamegley na kareenan a mamapasakey ed sikayo.

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

1 TESALONICA 3:10

Labi-agew masimoon min ipipikasi ed Dios a napinengnengan mi kayo komun lamet tan niiter miy kakulangan ed pananisia yo.

2 TESALONICA 3:1

Kaonuran, agagi, ipikasi yo kami pa, pian masiglat ya onkayat so salitay Katawan, tan pagalangan da a singa ginawa yo.