2 CORINTO 12:15 - Maung A Balita Biblia

¹⁵ Maliket ak a mangiter na amin a kayaryan ko, anggan say bilay ko, no onkanad pankaabigan yo. Melag labat so pangaro yod siak, anta inararo ta kayo?

Maung a Balita Biblia

¹⁵ Maliket ak a mangiter na amin a kayaryan ko, anggan say bilay ko, no onkanad pankaabigan yo. Melag labat so pangaro yod siak, anta inararo ta kayo?

2 CORINTO 12:15 Referans Kwoze

1 TESALONICA 2:8

Lapud ontan lan panangaro tan panamabli mid sikayo, maliket kamin manginagnag na Maung a Balitad sikayo tan sipaparaan kami met a mangisaklang para sikayo na anggan say bilay mi.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

2 CORINTO 1:6

No manirap kami, sikatoy pakaligliwaan tan pakailabanan yo; no naligliwa kami, naligliwa kayo met tan ombiskeg kayo, pian naanosan yon sakbaten so kairapan a liliknaen yo, a singa liliknaen mi.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

2 CORINTO 2:3

Kanyan sinulat ta ki ni, ta ag la pigan napaermen ak na saray totoon nepeg a mamaliket ed siak. Ta manisia ak a say liket ko liket yo met ya amin.

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

2 CORINTO 12:14

Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

2 CORINTO 1:14

so ag yo natalusan a maung natan, pian diad Agew na Katawan a Jesus, et ikinon yo kami a singa pangikinon mid sikayo.

2 CORINTO 7:3

Ibabagak ya, aliwan say sintinsiaan ta kayon nadusa. Ta singa samay imbagak la, inararo mi kayo tan manoolup itayod bilay o patey.

TAGA GALACIA 4:10

Ngingilinan yo ray agew, bulan, panaon, tan taon!

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

2 Samuel 13:39

balet nen ayari lay impanermen tod impatey nen Amnon, akailiw ed kinen Absalom.

Saray Taga Roma 9:3

Lapud sikara, labalabay ko lay anggan nisamba na Dios tan nisian ed Cristo.

2 CORINTO 7:2

Itdan yo kamiy pasen ed puso yo. Kapigan man, anggapod sikayoy nanggawaan miy kaogsan, dineral, o sinaol mi.

2 CORINTO 11:11

Akin et imbagak ya? Lapu kasin ag ta ki inaro? Kabat na Dios ya inaro ta kayo!

2 CORINTO 4:12

Say kabaliksan to ya et siber-siber so patey ed sikami, balet nawawalaan kayo lawas na bilay.