2 CORINTO 11:13 - Maung A Balita Biblia

¹³ Tila-tila ra tan ya “apostol”, manlilingo ra labat tan mialalig iran apostol nen Cristo.

Maung a Balita Biblia

¹³ Tila-tila ra tan ya apostol, manlilingo ra labat tan mialalig iran apostol nen Cristo.

2 CORINTO 11:13 Referans Kwoze

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.

FILIPOS 3:2

Manalwar kayod saray totoon singa asoy ogali ra; labalabay day manggaway kaogsan tan ipapasoot dan gergerey laman.

TAGA GALACIA 1:7

Diad tuay tua, anggapoy arum a “maung a balita,” balet wala ray manggogolo ed sikayo tan labay dan omanen so Maung a Balitan nipaakar ed Cristo.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

TAGA GALACIA 2:4

Balet talagan labay a pasegat lawari na saray arum a totoon mankonkuanan ya agagi tan akilimuglimug irad sikami, pian nasiim day kawayangan ya inter nen Cristo Jesus ed sikami. Labay dan paaripen kami,

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

COLOSAS 2:4

Ibabagak ya, pian ag kayo nibalang na anggan siopa, diad panamegley na makaayat a pananalita.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

2 CORINTO 11:15

Kanyan ag makapakelaw a saray managlingkur to et mampapanengneng iran singa aripey katonungan. Nasintinsiaan irad kasamputan onung ed saray gagawaen da.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

Puyan 2:9

Amtak iray kairapan mo; amtak a mairap-bilay ka balet, diad tuay tua, mayaman ka! Amtak met no panoy pamapaoges dad sika ray mangibabagan Judio ra, anta andi; kabyangan iray olupan nen Satanas!

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

1 Juan 2:18

Anak, asingger lay anggaan! Nibagad sikayon onsabiy Anticristo. Et natan amayamay la ray linmetaw ya Anticristo, kanyan amta tayon asingger lay anggaan.

TAGA GALACIA 6:12

Saray totoon labay dan ipasirayew iray bengatlan nanengneng, sikaray mamapasoot a mampasegat kayo. Balet gagawaen da ya, ta ag da labay so napairap lapud krus nen Cristo.

2 CORINTO 4:2

Inkaindan mi la ray maamut tan makapabaing a gawa. Ag kami mamapalingo odino mamipikewet na salitay Dios. Diad liwaway katwaan, mambibilay kami ed arap na Dios, tan imamatalek miy sikamin dili ed balang konsinsia na too.

Saray Gawgawa 15:24

Abalitaan min wala ray totoon nanlapud sikami a linmad tan a nanggogoloy kaisipan yo lapud saray imbabaga ra. Balet nepeg yon kabaten ya ag mi ra ingganggan.

TAGA GALACIA 4:17

Imamasakit da ki ray arum a totoo, balet aliwan maung so getma ra. Labay da labat ya iyarawi da kayod siak pian sikara lay arapen yo.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Saray Gawgawa 15:1

Wala ray pigaran totoon nanlapud Judea a sinmabid Antiokia, tan imbabangat dad saray agagi, “Ag kayo nilaban no ag kayo natandaay segat, onung na ibabagay Ganggan nen Moises.”

Mateo 25:24

Tinmombuk imay naitday sanliboy pisos, tan inkuanto, ‘Amo, amtak a mapeget ka. Amtak a manaani kad ag yo nantaneman, tan manggagapas kad ag mo nampasekan.

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 27:14

Ag yo dedengelen iray propitan mangibabaga ya ag yo nepeg a panlingkuray ari na Babilonia. Papalikdoen da kayo labat.

FILIPOS 3:18

Amimpiga lan imbagak ya ed sikayo, tan ooliten ko natan a manterter so luak; dakel iray mambibilay a kalaban na krus nen Cristo.