2 CORINTO 10:14 - Maung A Balita Biblia

¹⁴ Et lapud nasasakopan kid panganggaan, ag kami linmabas ed sayan panganggaan nen linma kamid tan ya angawit na Maung a Balitan nipaakar ed Cristo.

Maung a Balita Biblia

¹⁴ Et lapud nasasakopan kid panganggaan, ag kami linmabas ed sayan panganggaan nen linma kamid tan ya angawit na Maung a Balitan nipaakar ed Cristo.

2 CORINTO 10:14 Referans Kwoze

1 Timoteo 1:11

Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

COLOSAS 1:5

Nen sinmabin inmonad sikayoy katwaan na Maung a Balita, nadngel yoy ilalon iter to. Kanyan say pananisia tan panangaro yo niletneg ed ilalo yon nagamuran iray bengatlan niparaan para sikayo diad tawen.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 CORINTO 2:12

Nen linma ak ed Troas a mampulong na Maung a Balitan nipaakar ed Cristo, say Katawan initdan to ak na marakep a pankanawnawan mankimey diman.

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

1 CORINTO 3:10

Onung ed langkap ya inter na Dios ed siak, inletneg koy pundasion a singa gagawaey marunong a karpintiro. Insan sananey lay mangisumpal ed pangipaalagey. Balet nepeg a manalwar so siopaman a mangipaalagey,

Saray Taga Roma 16:25

Idayew tayoy Dios a nayarian ton pabiskegey pananisia yo, onung ed Maung a Balitan nipaakar ed Jesu-Cristo ya ipupulong ko; onung ed inkibawag na abaybayag lan niamut a katwaan.