2 CORINTO 1:8 - Maung A Balita Biblia

⁸ Agagi, labay min nakabatan yoy kairapan a sinakbat mi ed Asia. Diad kabaleg tan kabelat na sinakbat mi, nakalan kami lay ilalon mambilay ni.

Maung a Balita Biblia

⁸ Agagi, labay min nakabatan yoy kairapan a sinakbat mi ed Asia. Diad kabaleg tan kabelat na sinakbat mi, nakalan kami lay ilalon mambilay ni.

2 CORINTO 1:8 Referans Kwoze

1 CORINTO 15:32

No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, “Mangan tan oninom itayo, ta nabwas ompatey itayo.”

1 CORINTO 4:8

Wala la ray amin a nakaukolan yo! Mayaman kayo la! Arari kayo la, anggaman a sikami et andi! Maung no petepeteg kayo lan arari, pian kaiba yo kami met a makapanoley.

1 CORINTO 16:9

Baleg dian tuay pankanawnawak a manggaway makana-kana ran kimey, anggaman a dakel iray onsusumlang.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

Saray Gawgawa 2:9

Taga itayo Partia, Media, tan Elam; taga Mesopotamia, Judea, tan Capadocia, taga Ponto tan Asia;

Saray Gawgawa 16:6

Nambiahi ra di Pablo, Silas, tan Timoteo ed pasen a nasasakopan na Frigia tan Galacia, lapud sinebelan ira na Ispiritu Santo a mampulong irad Asia.

Saray Taga Roma 1:13

Agagi, nepeg yon amtaen a ginetmak lan amimpiga so onlad tan, balet anggad natan walan naynay so manesebel ed siak. Labay ko met so mananggoyur ditan na saray totoo pian manisia rad Cristo, a singa impananggoyur kod saray arum a Hintil.

2 CORINTO 1:9

Abaloan min anggaay bilay mi la man. Balet agawa man, pian ag kami manmatalek ed sikamin dili, no ag ta diad Dios a mamaolid bilay ed saray inaatey.

2 CORINTO 6:9

Nipasen kamin ag kabat na baley, anggaman a bantug kami; nipasen kamin singa la inatey, balet mabilabilay kami. Adusa-dusa kami, balet ag kami inatey;

Saray Gawgawa 19:41

Kasumpal ton nansalita, pinasempet to la ray totoo.