1 Timoteo 5:8 - Maung A Balita Biblia

⁸ Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

Maung a Balita Biblia

⁸ Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

1 Timoteo 5:8 Referans Kwoze

TAGA GALACIA 6:10

Kanyan anamuten tayoy pankanawnawa tayon ontulong ed kaparan too, lautlad saray agagid pananisia.

2 CORINTO 12:14

Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Mateo 7:11

No sikayo, anta maoges kayo, et amta yoy mangiter na pankaabigay anak yo, lalo la sirin a say Ama yon walad tawen et itdan to ray onkerew ed sikato na bengatlan pankaabigan da.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

Genesis 30:30

Say daiset a walad sikayo kasakbayay insabik et dinmakerakel, tan binindisionan kayoy Katawan lapud siak. Natan sinmabi lay panaon a nunoten ko lay pankaabigan na pamilyak.”

Puyan 3:8

Amtak so gagawaen mo; amtak a melag so pakayarim, balet inonur moy bangat ko tan matoor kad siak. Kanyan nilokasan koy puirta ed arap mo, tan anggapoy makapangikaput.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Juan 15:22

No ag ak linma dia tan nambabangat, anggapo komuy kasalanan da. Natan balet; anggapo lay nibaraan dad kasalanan da.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

2 CORINTO 6:15

Makapampaknaan kasiy Cristo tan say Diablo? Antoy pikasakeyan na mananisia ed saray aliwan mananisia?

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

1 CORINTO 6:6

Akin et say sakey ya agi irimanda toy sakey ya agi, anta saray huis yo ni met et aliwa ran mananisia?

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.