1 Timoteo 4:1 - Maung A Balita Biblia

¹ Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

Maung a Balita Biblia

¹ Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

1 Timoteo 4:1 Referans Kwoze

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Judas 1:18

Inkuandad sikayo, “Diad kaonuran iran agew, ompaway iray managbalaw, totoon mangoonur na maoges iran pilalek da.”

2 Pedro 3:3

Manonaan ed amin, nepeg yon amtaen a diad kaonuran iran agew wala ray mambalaw ed sikayo, saray totoon mambibilay onung ed maoges iran pilalek na laman.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

1 Juan 4:6

Balet kayaryan itayoy Dios. Siopamay toon kabat toy Dios, dedengelen to itayo, balet ag itayo dengelen na siopaman ya ag kayaryay Dios. Dia tayo naamtaan sirin so pandomaan na Ispiritu na katwaan tan ispiritu na tila.

Juan 16:13

No onsabiy Ispiritu na katwaan, iwanwan to kayon mangamta ed amin a katwaan, ta ag mansalitan manlapud sikaton dili. Ingen, salitaen tod sikayoy nadngel to tan ibaga to ray bengatlan onsabi.

1 Juan 2:18

Anak, asingger lay anggaan! Nibagad sikayon onsabiy Anticristo. Et natan amayamay la ray linmetaw ya Anticristo, kanyan amta tayon asingger lay anggaan.

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 3:6

“Sikayo ran walay layag, dengel yoy ibabagay Ispiritu ed saray iglisia!

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

1 Pedro 1:20

Pinili la na Dios kasakbayan na inkapalsay mundo, tan sikatoy pinmanengneng ed sayan kaonuran iran panaon makasengeg ed sikayo.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

1 CORINTO 10:20

Andi! Say labay kon ibaga: saray Hintil mangibabagat iray kakanen diad saray dimonyo, aliwan diad Dios, et ag ko labay a mikasakey kayod saray dimonyo.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Jeremias 49:39

Balet ag mabayag paaligwasen ko lamet iray totoo ed Elam. Siak, say Katawan, so nansalita.”

Jeremias 48:47

Balet diad saray agew ya arapen say Katawan pagmaliwen ton maaligwas lamet so Moab. Sikato yay sintinsia ya inter na Katawan ed Moab.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 4:30

No nagugunigon kayo la tan nagagawa lad sikayo ra yan amin, ompawil kayo lamlamang ed Katawan tan onuren yo.

Saray Bilang 24:14

Inkuanen Balaam ed kinen Balak, “Ompawil ak la natan ed saray dilin totook, balet kasakbayan ya ompikal ak, ibagak ed sika no antoy gawaen da ray Israelita ed saray totoom diad arapen a panaon.”

Genesis 3:13

Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Puyan 20:8

Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

Puyan 3:22

“Sikayo ran walay layag, dengel yoy ibabagay Ispiritu ed saray iglisia!”

Puyan 3:13

“Sikayo ran walay layag, dengel yoy ibabagay Ispiritu ed saray iglisia!

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

1 CORINTO 12:11

Balet saksakey labat ya Ispiritu so manggagawa ed amin da ra ya, tan nandoroman langkap so iiter tod balang sakey, onung ed linawa to.

Saray Gawgawa 28:25

Kanyan nen ag ira makapankakasakey tinmaynan la ra, kasumpal ya inkuanen Pablo, “Tuay imbaga na Ispiritu Santo ed saray lalaki yo diad panamegley nen propita Isaias!

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 13:2

Nen peles dan manlilingkur ed Katawan tan manaayuno, inkuay Ispiritu Santo ed sikara, “Ibiig yon para siak ira di Bernabe tan Saulo, ta gawaen day kimey ya anawagan kod sikara.”

Ezekiel 1:3

Diman ed Babilonia diad gilig na Ilog na Kebar, nadngel koy Katawan ya akisalitad siak, tan aliknak so pakayari to.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Jeremias 23:26

Kapigan kasiy itonda na sarayan propita ed pamalikdo rad saray totook diad panamegley na dilin tila ra?

Mateo 18:7

Makapataktakot so kipapasen ed tapew na dalin, lapud saray bengatlan pansengegay pankasalanan da ray totoo! Anggan kapigan ag naandi ray bengatlan pansengegay pankasalanan, balet makapataktakot so nasagmak na toon panlapwan da!

Lucas 17:1

Inkuanen Jesus ed saray disipulo to, “Ag naandin balut iray bengatlan pankasalananan, balet makapataktakot so nasagmak na toon makasengeg na pankasalanay arum!

Saray Gawgawa 20:23

Saya labat so amtak: diad balang baley a nilak, impasakbay na Ispiritu Santo a say kaprisok tan panirap ko so manalagar ed siak.

Saray Gawgawa 21:11

Linmad sikami, inala toy balkes nen Pablo, tan binalur to ray dilin sali tan lima to, insan inkuanto, “Niay ibabaga na Ispiritu Santo: Say makanbalkes ed saya baluren a singa onya na saray Judio ed Jerusalem, tan ipalima rad saray Hintil.”

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

1 CORINTO 11:19

(Nakaukolan a naapag-apag kayo, pian naamtaan no siopad sikayoy walad kaptekan.)

Santiago 3:15

Ag nanlapud Dios yan kakabatan, no ag ingen minumundo, aliwan maispiritu tan dinidimonyo.