1 Timoteo 3:6 - Maung A Balita Biblia

⁶ Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

Maung a Balita Biblia

⁶ Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

1 Timoteo 3:6 Referans Kwoze

1 Timoteo 6:4

mapaatagey tan anggapoy amta to. Sakit to lay misangsangan tan mikolkol nipaakar ed saray salita, tan sikato yay sengegan labat na imonan, kolkolan, insultowan, maoges a palsaan,

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

1 CORINTO 8:1

Onya met so nibagak, nipaakar ed kakanen ya imbagat ed saray talintaoy diriyos. Amta tayon “walay pakaamta tayon amin.” Say pakaamta pagmaliwen ton mapaatagey so too; balet say aro mamabiskeg.

1 CORINTO 3:1

Agagi, ag ak makapitongtong ed sikayo a singa pitotongtong kod saray totoon walad sikaray Ispiritu. Kinaukolan a mitongtong ak ed sikayo a singa pitotongtong ed saray totoon minumundoy panagbilay da, singa ogogaw ed pananisiad Cristo.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

2 Saray Awaran 32:25

Balet ontan lay impanpaatagey nen Ezekias ta ag to anggan impanengneng so pisasalamat tod Katawan ya amaabig ed sikato. Lapud saya nanliknay kairapan iray totood Juda tan Jerusalem.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

Deuteronomio 17:20

Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

2 Timoteo 3:4

aliwan saratan labat, magmaliw met iran managtraidor, anggapoy adya, mapasirayew, tan aroen da niy minumundon liket nen say Dios.

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!

1 Timoteo 3:7

Nepeg met a gagalangey totoon aliwan kabyangay iglisia, pian ag napelag ed kababaingan tan ag naerel ed patit nen Diablo.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.