1 Timoteo 3:2 - Maung A Balita Biblia

² Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

Maung a Balita Biblia

² Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

1 Timoteo 3:2 Referans Kwoze

2 Timoteo 2:24

Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

1 Timoteo 5:9

Iyan mod listaan na bibiin balo so siopaman a walad saray onggendan: ag onkulang ed anemaplo so taon to, amimpinsan ya akiasawa,

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Tito 2:2

Ibagam ed saray mamatakken a lalaki a mambilay iran makalakal, mapagalang, maadya, mabiskeg ed pananisia, maaro, tan maanos.

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Isaias 56:10

Kuanto, “Amin da ray pangulo a kanepegan day mamasakbay komun ed saray totook et bulag ira! Anggapoy amta ra. Singa ra bantay ya aso ya ag makadangul—mandokdokul ira labat a mankogkogip. Agaylay panlabay dan onogip!

Lucas 2:36

Wala met so sakey a biin propita ya akolakolaw la. Manngaray Anna tan anak nen Fanuel a kabyangay tribu nen Aser. Pitoy taon labat ya akiamung ed asawa to,

1 Timoteo 3:8

Ontan met, nakaukolan a saray mananulong ed iglisia et maung so ogali ra, matoor ed saray salita ra, aliwa ran buanges, tan aliwa ran maagom.

1 Timoteo 3:12

Say mananulong nakaukolan a saksakey so asawa to, tan maung so pangipapangulo tod saray anak tan say intiron pamilya to.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.