1 Timoteo 2:5 - Maung A Balita Biblia

⁵ Ta saksakey so Dios, tan saksakey met so manamegley ed Dios tan saray totoo, salanti say toon Cristo Jesus,

Maung a Balita Biblia

⁵ Ta saksakey so Dios, tan saksakey met so manamegley ed Dios tan saray totoo, salanti say toon Cristo Jesus,

1 Timoteo 2:5 Referans Kwoze

TAGA GALACIA 3:20

Balet say bukbukor to ag mankaukolay manamegley; et saksakey so Dios.

1 CORINTO 8:6

para sikatayo saksakey so Dios, say Ama ya amalsad amin a bengatla tan mambibilay itayon para sikato. Saksakey met so Katawan, si Jesu-Cristo, a diad panamegley to apalsay amin a bengatla, tan diad panamegley to met mambibilay itayo.

Saray Hebreo 9:15

Kanyan si Cristo so manamegley na balon sipanan, pian natawir na saray tinawag na Dios so andi-anggaan iran bindision ya insipan to. Nagawa ya lapud walay inatey ya amaandiy kasalanan da ray totoo nen wala ni rad silong na onaan a sipanan.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Deuteronomio 6:4

“Sikayo ran Israelita, tandaan yo ya! Bukor na Katawan a Dios tayo so Katawan.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Saray Taga Roma 10:12

Anggapoy pandomaay Judio tan Grigo, ta say Katawan et Katawan na amin, tan mangiiter na dakel a bindision ed amin da ray ontatawag ed sikato.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Saray Hebreo 8:6

Balet, natan, naawat nen Jesus so lalon atagey a kimey na inkapari nen say kimey da. Ontan met a magmaung so sipanay Dios tan say too ya agawad panamegley nen Jesus, lapud niletneg ed magmaung ni ran sipan.

TAGA-EFESO 4:6

walay saksakey a Dios tan Ama na amin a katoowan. Sikatoy Katawan na amin, mankikimey ed amin, tan walad amin.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Say Libro nen Job 9:33

Balet anggapoy toon manalaysay ed sikami— anggapoy manintinsia ed Dios tan siak.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Puyan 1:13

Diad pegley da ra ya, walay singa sakey a too ya akakawes na onsagar ed mokur so saloy to. Wala met so akabariber a balituk ed pagew to.

Mateo 1:1

Sikato yay listaan na saray lalaki nen Jesu-Cristo a kabyangay boleg nen David a kabyangay boleg nen Abraham.

Saray Gawgawa 4:12

Diad sikato labat so pakalmoay kilalaban, ta anggapoy arum a ngaran ya inter na Dios ed saray katoowan diad intiron mundo a nepeg tayon kilabanan.”

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.

Lucas 14:22

Kapawil to may aripen inkuanto, ‘Amo, sinumpal koy ganggan mo, balet dakel niy nayorungan.’