1 Timoteo 1:16 - Maung A Balita Biblia

¹⁶ balet sikato yay makasengeg a kinasian ak na Dios, pian nipanengneng nen Cristo Jesus so ontan lan anos tod siak a sankaogsan a makasalanan. Kanyan siak so oliran da ray manisiad sikato tan mangawat na bilay ya andi-anggaan.

Maung a Balita Biblia

¹⁶ balet sikato yay makasengeg a kinasian ak na Dios, pian nipanengneng nen Cristo Jesus so ontan lan anos tod siak a sankaogsan a makasalanan. Kanyan siak so oliran da ray manisiad sikato tan mangawat na bilay ya andi-anggaan.

1 Timoteo 1:16 Referans Kwoze

1 Timoteo 1:13

Anggaman a nansasalita ak na maoges sumpad sikato, pinapairap tan pinapasegsegang ko, siansian tinoro to ak a kumikimey to. Balet kinasian ak na Dios, ta ag ko amtay gagawaen ko nen aliwa ak nin mananisia.

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.”

2 Pedro 3:15

Ipasen yon say panaanos na Katawan et say pangiter tod sikayoy pankanawnawan nilaban. Onya met so insulat ed sikayo na inararo tayon agi a si Pablo. Diad impansulat to, inkana toy kakabatan ya inter na Dios ed sikato.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Saray Salmo 25:11

Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

1 Pedro 3:20

Sikara ya may ispiritu ya ag tinmoluk nen say Dios et inanosan to ran inalagar ya ompawil ed sikato, diad saramay agew a gagawaen nen Noe so biong. Lapud tulong na saman a biong, walwaloran totoo so nilaban ed danum.

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Saray Gawgawa 13:39

Nepeg yo met a kabaten a napaandiy amin a kasalanan na siopaman a manisiad sikato; ag ya nagawaan na Ganggan nen Moises.

Juan 6:54

Siopamay mangan na laman ko tan oninom na dalak, walay bilay ton andi-anggaan tan paolien kod bilay diad kaonuran ya agew.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

2 TESALONICA 1:10

Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Lucas 23:43

Inkuanen Jesus ed sikato, “Kuankod sika: diad sayan agew, kaiba mo ak ed Paraiso.”

Lucas 15:10

Ontan met, kuankod sikayo, so panliket na saray anghil na Dios lapud sakey a toon mampataulid saray kasalanan to.”

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

Saray Bilang 23:3

Insan inkuanen Balaam ed kinen Balak, “Manalagey ka diad abay na isasaklang mon bagat a popoolan, ta nengnengen ko no kasi abeten ak na Katawan o andi. Ibagak ed sika so antokaman ya ipaamta tod siak.” Kanyan linman bukor ed toktok na sakey a pokdul,

Exodo 34:8

Tampol a dinmakmomo ya anggad dalin si Moises tan angigalang.

1 CORINTO 7:25

Nipaakar ed saray totoon anggapoy asawa, anggapoy niiter kon ganggan a manlapud Katawan. Balet siak a napanmatalkan lapud panangasiy Katawan, ibabagak iray walad kanunotan ko.