1 TESALONICA 5:9 - Maung A Balita Biblia

⁹ Ta say Dios ag to itayo ingganan nadusa, no ag ingen nilaban, diad panamegley na Katawan tayon Jesu-Cristo,

Maung a Balita Biblia

⁹ Ta say Dios ag to itayo ingganan nadusa, no ag ingen nilaban, diad panamegley na Katawan tayon Jesu-Cristo,

1 TESALONICA 5:9 Referans Kwoze

1 TESALONICA 1:10

Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

1 Pedro 2:10

Nen saman, aliwa kayon totooy Dios, balet natan totoo to ki la. Ag yo ni naawat so panangasi na Dios nen saman, balet natan naawat yo la.

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

Saray Gawgawa 13:48

Nen nadngelan ya na saray Hintil, makaliliket ira tan indayew day salita na Katawan; tan anisia ray totoon apilin makagamur na bilay ya andi-anggaan.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

1 Timoteo 1:16

balet sikato yay makasengeg a kinasian ak na Dios, pian nipanengneng nen Cristo Jesus so ontan lan anos tod siak a sankaogsan a makasalanan. Kanyan siak so oliran da ray manisiad sikato tan mangawat na bilay ya andi-anggaan.

1 TESALONICA 3:3

pian anggapod sikayoy onkapoy lapud sarayan kairapan. Ta sikayon dili, amta yo a saray kairapan et kabyangan iray linaway Dios ed sikatayo.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

1 Timoteo 1:13

Anggaman a nansasalita ak na maoges sumpad sikato, pinapairap tan pinapasegsegang ko, siansian tinoro to ak a kumikimey to. Balet kinasian ak na Dios, ta ag ko amtay gagawaen ko nen aliwa ak nin mananisia.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

Saray Taga Roma 11:7

Anto natan ey? Ag agamuran na saray totood Israel so anapen da. Saray pinili na Dios labat so akagamur; inmawet so puso da ray arum.

Saray Gawgawa 1:25

a magmaliw ya apostol ya onsalat ed kinen Judas a linma lad pasen a kanepegan to.”

Saray Gawgawa 1:20

“Ta onyay nisulat ed libro na saray Salmo: ‘Napaolyan komuy abung to, tan anggapo komuy manayam diman.’ Nisulat met, ‘Wala komuy onsalat ed pasen to tod panaglingkur.’

Saray Taga Roma 11:30

Sikayo ran Hintil, aliwa kayon maonur ed Dios nen saman, balet agamuran yoy panangasi na Dios lapud ag intoluk na saray Judio ed sikato.

Mateo 26:24

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”

Say Libro nen Job 23:14

Sumpalen toy getma to nipaakar ed siak; sayan getma to et sakey ed saray amayamay a getma to.