1 TESALONICA 5:23 - Maung A Balita Biblia

²³ Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

Maung a Balita Biblia

²³ Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yosay ispiritu, kamarerwa, tan say laman yoanggad isabiy Katawan tayon Jesu-Cristo.

1 TESALONICA 5:23 Referans Kwoze

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.”

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

Saray Hebreo 2:11

Lilinisan nen Jesus iray totoo ed saray kasalanan da; sikato a manlinis tan saray nalilinisan et saksakey so Ama ra, kanyan si Jesus ag ambaing a manawag na agagi ed sikara.

COLOSAS 1:22

Balet natan diad panamegley na impatey na laman nen Cristo, ginawa kayoy Dios a kakaaro to, pian niyakar to kayon masanto, anggapoy pakabalawan, tan malinis, diad arap to.

1 CORINTO 14:33

Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Lucas 1:46

Inkuanen Maria: “Itanduroy pusok so Katawan,

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Taga Roma 15:5

Iyabuloy komun na Dios a manangiter na anos tan biskeg na linawa, a mankakasakey kayo ed kanunotan, onung ed linawa nen Cristo Jesus,

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

FILIPOS 4:9

Gawa yo ray bengatla onung na naaral, naawat, nadngel tan anengneng yod siak. Diad ontan, niwalad sikayoy Dios a manangiter na kareenan.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Juan 17:19

Makasengeg ed sikara, imbagat koy bilay kod sika, pian matway pangibagat dad bilay da.

Judas 1:1

Sayan sulat nanlapud kinen Judas ya aripen nen Jesu-Cristo, tan agi nen Santiago— Diad saray tinawag na Dios a mambibilay irad panangaroy Dios Ama tan panagtalima nen Jesu-Cristo:

1 TESALONICA 4:3

Say linawa na Dios et say pambilay yon masanto tan say iyarawi yod inmoralidad.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Saray Taga Roma 15:33

Walad sikayon amin komuy Dios a panlalapway kareenan tayo. Amen.

Saray Gawgawa 20:32

“Natan, ipia ta kayod panangasikasoy Dios tan diad salita ton mamapaneknek na baleg a panangaro to. Napabiskeg to kayo tan naitdan to kayoy amin a bindision ya igagana tod saray totoon pinasanto to.

Levitico 20:26

Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

1 TESALONICA 2:19

Ta anggapoy arum ya ilalo tan liket mi, no ag say sikayo. Sikayoy tanday impanalo mi a nayarian min ipasirayew diad arap na Katawan tin Jesus no sikatoy onsabi.

Ezekiel 37:28

No nipasen ko lay Timplok a mansiansia ya anggad angga ed kawalaan da, naamtaan ed satan na saray bansa a siak a Katawan so amilid Israel a sikaray dilin totook.”

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

1 TESALONICA 3:11

Iyabuloy komuy Dios tan Ama tayo tan say Katawan tin Jesus, a makaonla kamid tan.

1 TESALONICA 5:22

Arawian yoy amin a klasiy kaogsan.

Santiago 1:4

Tan mansiansia kayon mantepel ya anggad kasamputan, pian magmaliw kayon ayadyari tan nagnap tan anggapoy pankulangan.