1 TESALONICA 4:1 - Maung A Balita Biblia

¹ Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

Maung a Balita Biblia

¹ Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

1 TESALONICA 4:1 Referans Kwoze

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

FILIPOS 1:9

Pikakasik ya ombaleg lan ombaleg komuy panangaro yon tinekepay kakabatan tan nagnap a pakatalus,

1 TESALONICA 3:12

Pabalegen tan palaknabey Katawan komun so panaarowan yo tan say panangaro yod arum a totoo, a singa panangaro mid sikayo.

FILIPOS 3:14

Kanyan papasiaen koy ombatik a damputen so panganggaan pian nagamuran koy tumang, say bilay a mansumpal ed tawen, a sikatoy anawagay Dios ed siak diad panamegley nen Cristo Jesus.

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

2 TESALONICA 3:1

Kaonuran, agagi, ipikasi yo kami pa, pian masiglat ya onkayat so salitay Katawan, tan pagalangan da a singa ginawa yo.

2 TESALONICA 2:1

Nipaakar met ed isabiy Katawan tayon Jesu-Cristo tan say pitipon tayod sikato: kekerewen mid sikayo, agagi,

COLOSAS 2:6

Bangta inawat yo lan Katawan si Cristo Jesus, mambilay kin sikakasakey ed sikato.

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Saray Salmo 92:14

mambubunga ni ra, anggan matakken la ra; lawas mabisbiskeg tan mabona-bona ra.

1 TESALONICA 4:2

Ta amta yo ray inter mid sikayon bangabangat a nanlapud Katawan a Jesus.

2 CORINTO 5:9

Balet say pampirpirawatan mi et say pagmaliw min makapalikliket ed sikato, diad sayan abung o diman ed tawen.

Saray Taga Roma 8:8

Ag da napaliket so Dios iray mambibilay onung ed inkanatural na too.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Saray Hebreo 13:22

Kekerewen kod sikayo, agagi, ya anosan yon dengelen yan bangat kon mamabiskeg na linawa yo, ta antikey met yan sulat kod sikayo.

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

TAGA-EFESO 5:17

Nepeg ya aliwa kayon singa saray makulang-kulang, no ag ingen talusan yo no antoy labay na Katawan a pagawad sikayo.

TAGA-EFESO 4:20

Aliwan ontan so inaral yod Cristo,

2 CORINTO 10:1

Siak, a si Pablo, so dilin mikakasid sikayo—siak ya asalitan maoyo-yamo no kaiba ta kayo, balet masebesebeg no arawi ak. Diad panamegley na inkaoyamo tan inkaabig nen Cristo, pikasik ed sikayo ya

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

1 CORINTO 15:1

Natan ipapanunot kod sikayo, agagi, so ibanghilyo ya impulong kod sikayo, say Maung a Balita ya inawat yo tan niletnegay pananisia yo.

1 CORINTO 11:23

Ta inawat kod Katawan so bangat ya inter kod sikayo: say Katawan a Jesus, diad samay labin impangyawat dad sikato, angalay tinapay,

Saray Gawgawa 20:27

Ta imbagak ed sikayoy amin a linaway Dios.

2 Timoteo 4:1

Bibilinen ta ka, diad arap na Dios tan arap nen Cristo Jesus a manintinsia ed saray mabilay tan saray inatey: lapud say isabi to tan say Panarian to, igaganggan ta kan

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

TAGA GALACIA 6:1

Agagi, no walad sikayoy naplag ed kasalanan, sikayon iwawanwan na Ispiritu so mangagwat ed sikato. Maamuyot a gawaen yo ya, tan manasikaso kayon maung, ta ompan sikayoy natukso met.

1 TESALONICA 5:12

Kerewen mid sikayo, agagi, a pagalangan yo ray kumikimey a kaiba yo, ta sikaray pinili na Katawan tan sikaray manangiwanwan tan managsimbawa yo.

2 TESALONICA 3:13

Balet sikayo ran agagi, ag kayo onsasawan manggaway kaabigan.

2 Saray Awaran 17:4

Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.