1 TESALONICA 3:6 - Maung A Balita Biblia

⁶ Akapawil la dia natay Timoteo a nanlapud tad sikayo. Walay awit ton marakep a balitan nipaakar ed pananisia tan panangaro yo. Imbalita to met ed sikamin pinunot yo kami lawas, tan no kaonungay pampipilalek min makapinengneng ed sikayo, ontan yo met manaya.

Maung a Balita Biblia

⁶ Akapawil la dia natay Timoteo a nanlapud tad sikayo. Walay awit ton marakep a balitan nipaakar ed pananisia tan panangaro yo. Imbalita to met ed sikamin pinunot yo kami lawas, tan no kaonungay pampipilalek min makapinengneng ed sikayo, ontan yo met manaya.

1 TESALONICA 3:6 Referans Kwoze

1 CORINTO 11:2

Idadayew ta kayo, ta nununoten yo ak lawas tan oonuren yo ray bangabangat kod sikayo.

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

Saray Gawgawa 18:5

Nen sinmabi ra di Silas tan Timoteo a nanlapu rad Macedonia, anggapo lay ginawa nen Pablo no ag say mampulong tan mamaneknek ed saray Judio a si Jesus et Cristo.

Probirbio 25:25

Say pakadngel na maung a balitan manlapud arawin pasen et singa iyinom na ambetel a danum no sikay napgaan.

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

1 Juan 3:23

Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.

Filemon 1:5

ta nadngelan koy panangarom ed saray totooy Dios, tan say pananisiam ed Katawan a Jesus.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

1 TESALONICA 2:17

Agagi, nen niarawi kamin aganod sikayo—aliwan diad kanunotan no ag ta diad laman—maililiw kamid sikayo tan ontan lay pilalek min makapinengneng lamet ed sikayo!

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

COLOSAS 4:18

Siak, a si Pablo, so dilin mangisusulat ed saya: Ibabano ta kayon amin. Tandaan yo a wala ak ed prisowan! Nawalaan kayo komuy bindision na Dios.

COLOSAS 1:4

Ta abalitaan miy nipaakar ed pananisia yod Cristo Jesus, tan say panangaro yod amin a totooy Dios.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

1 CORINTO 13:13

Mansiansia ra yan talo: say pananisia, ilalo, tan aro; balet say aro so sankabalgan ed saraya.

Saray Gawgawa 18:1

Kasumpal to ya, tinmaynan lay Pablo ed Atenas tan linmad Corinto.

Saray Gawgawa 16:1

Linma met si Pablo ed Derbe tan Listra. Walad may sakey a disipulon manngaray Timoteo; mananisian Judio so ina to, tan Grigo so ama to.

1 TESALONICA 3:7

Kanyan, agagi, diad pegley na segsegang tan kairapan mi, aligliwa kami diad impakadngel miy pananisia yod Cristo.