1 TESALONICA 2:9 - Maung A Balita Biblia

⁹ Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

Maung a Balita Biblia

⁹ Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

1 TESALONICA 2:9 Referans Kwoze

2 CORINTO 11:9

Nen wadtan ak tan kinmulang ak na kuarta, ag ta ki sinigensigen, ta amin a nakaukolan ko et inawit ed siak na saray agagin sinmabi a nanlapud Macedonia. Singa nen saman la, tan anggan kapigan, ag ko labay so pasakbat ed sikayo.

Saray Gawgawa 18:3

Akiayam tan akikimey ed sikara, ta managgawa ray tulda a kapara to.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

1 Timoteo 5:5

Say tuan balo et say biin mambukbukor lad bilay to. Say Dios labat so kawalaay ilalo to, tan agew-labin itutuloy toy mampikasi tan mankerew.

1 Timoteo 4:10

Kanyan mankikimey tan mansasagput itayon maung, ta maniilalo tayod mabilay a Dios, say Manangilaban na amin a katoowan, lautlad saray mananisia.

1 TESALONICA 2:6

Ag mi inanap so pangidayew yod sikami o say pangidayew ed sikami na saray arum a totoo,

1 CORINTO 9:18

Anto siriy tumang ko? Say tumang ko say pankanawnawak a mangipulong ya anggapoy bayar na Maung a Balita, say ag ko pangaalay intiron kanepegan a para siak diad pampupulong koy Maung a Balita.

1 CORINTO 9:15

Balet anggapoy inkanak ed sarayan kanepegan ko, tan aliwan say pikekerew koy pambilay ko so makasengeg na pansusulat kod saraya. Lablabayen ko niy ompatey nen say pagmaliwen dan andi-kakanaan so makanepegan a pampasirayew ko!

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Nehemias 5:18

Inagew-agew a nansaklang ak na sakey a baka, anemiran sankaabigan a karniro, tan amayamay a manok. Kapag samploy agew sasalatan koy ipaparongok a sawasawaan ya alak. Anggaman ontan, ag ko inala so kuartan kanepegan ya awaten na gobirnador, ta ambelat la so sasakbaten na saray totoo.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

1 Timoteo 1:11

Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

1 TESALONICA 3:10

Labi-agew masimoon min ipipikasi ed Dios a napinengnengan mi kayo komun lamet tan niiter miy kakulangan ed pananisia yo.

1 TESALONICA 2:2

Amta yon pinapabaingan tan pinapairap da kamid Filipos. Balet anggaman a dakel so makasbel, pinabiskeg na Dios so linawa mi a mangipulong na Maung a Balitan nanlapud sikato.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

FILIPOS 4:16

Nen wala ak lad Tesalonica, impawitan yo ak ya amimpiga na nakaukolan ko.

2 CORINTO 6:5

Binabasigan, impripriso, tan ginogolo da kami. Asalsali miy aposaposan ed panagkimey, sanlabin ag naogip, tan ag angan ed pigaran agew.

1 CORINTO 4:12

Mapalaloy kababanalan mid panagkimey mi. No nisasamba kami, mamibindision kami; no napapairap kami, itetepel mi;

Saray Taga Roma 15:19

say pakayari da ray tanda tan milagro, tan say pakayari na Ispiritu Santo. Kanyan diad impambiahik nanlapud Jerusalem ya anggad Ilirico, nipulong ko lan sigput so Maung a Balitan nipaakar ed Cristo.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 1:1

Sayan sulat nanlapud kinen Pablo, sakey ya aripen nen Jesu-Cristo, atawag a magmaliw ya apostol tan pinilin mampulong na Maung a Balita na Dios.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Lucas 2:37

insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Saray Salmo 88:1

Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

1 CORINTO 9:4

Anggapo tay kanepegan min naitday kanen tan inomen?

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

2 Saray Arari 6:2

Abuloyan mo kamin onlad Jordan, ta mamatang kami na saray kiew, pian makapaalagey kamiy babaleg a panayaman tayo.” “On, lakayo,” ebat nen Eliseo.

Probirbio 31:18

Amta toy kablian na amin da ray gagawaen to, tan mankikimey ni anggan aralem lay labi.