1 Saray Awaran 9:33 - Maung A Balita Biblia

³³ Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

Maung a Balita Biblia

³³ Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

1 Saray Awaran 9:33 Referans Kwoze

Nehemias 11:17

Si Matanias a lakin anak nen Mica tan apo nen Zabdi, tan kabyangay boleg nen Asaf. Impangulo to ray kumakantad Timplo diad panagkanta ray dasal na pisasalamat. Si Bacbukias a katulong nen Matanias ed kimey to. Si Abda a lakin anak nen Samua tan apo nen Galal, tan kabyangay boleg nen Jedutun.

Esdras 7:24

Sebel ed sikayo so mangala na saray buis ed saray papari, saray Levita, saray tumutogtog tan saray kumakanta, saray guardia, saray kumikimey, odino siopaman nin manlilingkur ed Timplo.

1 Saray Awaran 9:34

Pangulo na saray Levitan pamilya iray lalakin abitla, onung ed saray boleg a nanlapwan da. Sikaray pangulon nanaayam ed Jerusalem.

Nehemias 12:46

Manlapud panaon nen Ari David tan si Asaf saray tumutogtog tan saray kumakanta so angipangulo ed saray kantan pangidayew tan pangiter na pisasalamat ed Dios.

Jeremias 35:2

“Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.”