1 Saray Awaran 9:14 - Maung A Balita Biblia

^14-16 Nanayam ed Jerusalem iray onggendan a Levita: Semaya a lakin anak nen Hasub, tan saray arum a lalaki to a di Azricam tan Hasabias a kabyangay boleg nen Merari Bacbakar, Heres, tan Galal Matanias a lakin anak nen Mica tan saray arum a lalaki to a di Zicri tan Asaf Obadias a lakin anak nen Semaya tan saray arum a lalaki to a di Galal tan Jedutun Berekias a lakin anak nen Asa tan apo nen Elcana tan nanayam ed dalin a sakop na baley na Netofa

Maung a Balita Biblia

^14-16 Nanayam ed Jerusalem iray onggendan a Levita: Semaya a lakin anak nen Hasub, tan saray arum a lalaki to a di Azricam tan Hasabias a kabyangay boleg nen Merari. Bacbakar, Heres, tan Galal. Matanias a lakin anak nen Mica tan saray arum a lalaki to a di Zicri tan Asaf. Obadias a lakin anak nen Semaya tan saray arum a lalaki to a di Galal tan Jedutun. Berekias a lakin anak nen Asa tan apo nen Elcana tan nanayam ed dalin a sakop na baley na Netofa.

1 Saray Awaran 9:14 Referans Kwoze

Nehemias 12:24

Diad panangipangulo di Hasabias, Serebias, Jesua, Binui, tan Cadmiel naapag-apag ed pigaran grupo iray Levita. Duaran grupo so manebatan a mangidayew ed Dios tan misalamat ed Dios onung na saray bilin nen Ari David a too na Dios.

1 Saray Awaran 6:63

Ontan met, nipabetang ed saray pamilya na boleg nen Merari so labinduan baley diad saray dalin di Ruben, Gad, tan Zabulun.

1 Saray Awaran 6:29

Sikara yay kabyangay boleg nen Merari manlapud ama ya anggad anak: Mahli, Libni, Simei, Uza,

1 Saray Awaran 6:19

tan si Merari so ama di Mahli tan Musi.

Saray Bilang 26:57

Saray kabyangay tribu nen Levi et saray boleg di Gerson, Coat, tan Merari.

1 Saray Awaran 9:13

Sanlibo tan piton lasus tan anemaplon amin iray paparin pangulo na saray pamilya. Marunong iran amin ed antokaman a kimey a nipaakar ed panaglingkur ed Timplo.

1 Saray Awaran 26:1

Sikara yay kimey a nipabetang ed saray Levitan guardia ed Timplo. Manlapud boleg nen Core, walay Meselemias a lakin anak nen Core tan kabyangay pamilya nen Asaf.

1 Saray Awaran 26:26

Si Zelomit tan saray kabyangay pamilya to so makaoley ed amin da ray rigalon nisaklang ed Dios; saray angisaklang ed sarayan rigalo et di Ari David, saray pangulo da ray pamilya, saray pangulo da ray olup na boleg, tan saray opisyal da ray sondalo.

Nehemias 12:23

Saray pangulo na saray pamilya da ray Levita et nikorit ed saray awaran, ya angga labat ed panaon nen Jonatan ya apo nen Eliasib.