1 Saray Awaran 6:32 - Maung A Balita Biblia

³² Nansosoblayan iran nanlingkur ed Tuldan Ayamay Katawan legay panaon ya ag ni nipaalagey nen Ari Solomon so Timplo.

Maung a Balita Biblia

³² Nansosoblayan iran nanlingkur ed Tuldan Ayamay Katawan legay panaon ya ag ni nipaalagey nen Ari Solomon so Timplo.

1 Saray Awaran 6:32 Referans Kwoze

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

2 Saray Awaran 35:15

Saray tumutogtog tan saray kumakanta a kabyangan ira na boleg nen Asaf et wala rad saray pasen ya impabetang ed sikara nen Ari David: Asaf, Heman, tan Jedutun a propita na ari. Ag kinaukolan na saray guardiad saray puirta na Timplo ya ontaynan irad saray pasen da, lapud saray Levita et imparaanan da la ra na Paskua.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

1 Saray Awaran 6:10

Azarias (say parin nanlingkur ed Timplon impaalagey nen Ari Solomon ed Jerusalem),

1 Saray Awaran 6:31

Sikara yay lalakin impasen nen Ari David a makaoley ed saray kanta tan saray togtog ed pasen na panangigalangan diad Jerusalem nen nialis lad may Kaban na Sipanan.

1 Saray Awaran 6:33

Saraya so pamilya a nambemben na sayan kimey. Diad boleg nen Coat: Heman, say pangulo na ononan grupoy kumakanta. Si Israel so sengeg na boleg nen Heman ya anak nen Joel ya anak nen Samuel,

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.