1 Saray Awaran 6:31 - Maung A Balita Biblia

³¹ Sikara yay lalakin impasen nen Ari David a makaoley ed saray kanta tan saray togtog ed pasen na panangigalangan diad Jerusalem nen nialis lad may Kaban na Sipanan.

Maung a Balita Biblia

³¹ Sikara yay lalakin impasen nen Ari David a makaoley ed saray kanta tan saray togtog ed pasen na panangigalangan diad Jerusalem nen nialis lad may Kaban na Sipanan.

1 Saray Awaran 6:31 Referans Kwoze

2 Samuel 6:17

Inyakar day Kaban na Sipanan tan inyan dad pasen to diad dalem na tulda ya imparaan nen David a panginan. Insan angisaklang ed Katawan na saray bagat a popoolan tan bagat a para kareenan.

Saray Salmo 132:14

“Diay panayaman ko ya anggad angga; diay labay kon panoleyan.

Saray Salmo 132:8

Katawan, gala pad Timplo a kaibam so Kaban na Sipanan, say tanda na pakayarim, tan manayam ka dian anggad angga.

1 Saray Awaran 15:25

Kanyan si David, saray pangulo na Israel, tan saray pangulo na sondalo et malikeliket iran linma ed abung nen Obed-edom, ta alaen da may Kaban na Sipanan.

1 Saray Arari 8:4

tan inyakar dad Timplo. Saray papari tan saray Levita inyalis da met ed Timplo so Tuldan Ayamay Katawan, tan amin a kagawaan to.

1 Saray Awaran 6:30

Simea, Hagia, tan Asaya.

1 Saray Awaran 6:32

Nansosoblayan iran nanlingkur ed Tuldan Ayamay Katawan legay panaon ya ag ni nipaalagey nen Ari Solomon so Timplo.

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

1 Saray Awaran 15:1

Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.

1 Saray Awaran 15:27

Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.

Esdras 3:10

Nen ginapwan da lan iletneg so pundasion na Timplo, linmad pasen da iray paparin akasulong na saray kawes da tan akabemben ira na saray trumpita. Wadman met iray Levitan kabyangay boleg nen Asaf tan akabemben ira na saray piangpiang. Indayew day Katawan onung ed saray bilin ya impaakseb nen Ari David.

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.