1 Saray Awaran 6:15 - Maung A Balita Biblia

¹⁵ Pinataynan na Katawan si Josadac, pati saray totood Juda tan Jerusalem, diad panamegley nen Ari Nabucodonosor.

Maung a Balita Biblia

¹⁵ Pinataynan na Katawan si Josadac, pati saray totood Juda tan Jerusalem, diad panamegley nen Ari Nabucodonosor.

1 Saray Awaran 6:15 Referans Kwoze

Aggeo 2:2

Say Katawan impaibaga tod kinen Aggeo so salita tod kinen Zorobabel a gobirnador na Juda, si Josue a Pangulon Pari, tan saray totoo:

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

2 Saray Arari 25:18

Si Nebuzaradan, say pangulo na saray sondalon taga Babilonia et inala to met a priso ira di Seraya a Pangulon Pari, Sofonias ya onkumadwad Pangulon Pari, tan saray talora nin manonan opisyal na Timplo.

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

2 Saray Arari 25:21

diad dalin na Hamat. Impapairap irad man na ari, insan to ra impapatey. Kanyan saray totood Juda et nakal irad dalin da tan niakar irad arum a bansa.

Saray Taga Roma 15:18

Balet say nayarian ko labat a bitlaen et say ginawa nen Cristo diad panamegley ko, a salanti say impangiwanwan kod saray Hintil a mangonur irad Dios diad panamegley na saray salitak tan gawak,

Saray Gawgawa 14:27

Kasabi rad man, tinipon da ray kabyangay iglisia, tan tinongtong dad sikaray amin a ginagaway Dios diad panamegley da, tan no panoy impangilokas toy dalan pian makapanisia ray Hintil.

Aggeo 1:12

Insan si Zorobabel, tan si Josue, tan amin da ray totoon sinmempet a nanlapud inkibantak ed Babilonia inonur day imbagad sikara na Katawan a Dios da. Tinmakot ira tan inonur day propita Aggeo ya ibabaki na Katawan.

Jeremias 52:28

Saya so listaan na saray inaalan priso nen Nabucodonosor: nen kumapiton taon na panaari to angala na talon libo tan duamplo tan talo;

Jeremias 39:9

Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.

2 Saray Arari 14:27

Balet aliwan getma na Katawan a deralen a sigput tan andi-anggaan so Israel, kanyan inyagel to ra diad panamegley nen Ari Jeroboam.

Exodo 4:13

Balet inmebat si Moises, “Aliwan siak, Katawan, so ibakim. Say sananey pa lan too.”

1 Saray Awaran 6:14

Seraya, Josadac.

1 Saray Awaran 6:16

Taloray lalakin anak nen Levi: di Gerson, Coat, tan Merari.