1 Saray Awaran 5:25 - Maung A Balita Biblia

²⁵ Balet saray totoo aliwa ran matoor ed Dios na saray lalaki ra; inkaindan da, ta inggalang da ray diriyos na saray totoon pinapataynan na Dios.

Maung a Balita Biblia

²⁵ Balet saray totoo aliwa ran matoor ed Dios na saray lalaki ra; inkaindan da, ta inggalang da ray diriyos na saray totoon pinapataynan na Dios.

1 Saray Awaran 5:25 Referans Kwoze

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.

Saray Huis 8:33

Kayariy impatey nen Gedeon nagmaliw ya aliwan matoor lamet ed Dios iray Israelita tan angigagalang irad saray Baal. Impagmaliw dan dios da so Baal-na-Sipanan.

Saray Huis 2:17

Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Saray Huis 2:12

Tinondaan day angigalang ed Katawan a Dios na saray atateng da, say Dios ya angipaway ed sikara ed Egipto. Inggapo da met so angigalang ed saray arum a diriyos na saray totood kaliber-liber da. Dinmadakmomo ra ed sikara, kanyan impampasnuk day Katawan.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

1 Saray Awaran 5:24

Pangulo na saray boleg da iray onggendan: Efer, Isi, Eliel, Azriel, Jeremias, Hodavias, tan Jadiel. Marunong iran mibakal tan bantug iran pangulo na saray boleg da.

1 Saray Awaran 9:1

Nilistan amin iray totoo ed Israel onung ed saray pamilya ra, tan nisulat ed Libron nipaakar ed saray Ararid Israel. Nibantak ed Babilonia iray totood Juda lapud saray kasalanan da.