1 Saray Awaran 5:20 - Maung A Balita Biblia

²⁰ Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

Maung a Balita Biblia

²⁰ Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

1 Saray Awaran 5:20 Referans Kwoze

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

2 Saray Awaran 18:31

Nen anengneng day Ari Josafat abaloan dan ari na Israel, kanyan dinogpaan da. Balet inmeyag si Josafat et inyagel na Katawan a Dios tan pinaarawi tod sikato ira may dinmogpa.

1 Saray Awaran 5:22

Amayamay iray pinapatey dan kalaban da, lapud linawa na Dios imay bakal. Nanayam irad saman a dalin ya anggad inkibantak dad arum a bansa.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 10:14

Anggapon balut nen saman ya anggad natan, so singa sayan agew a tinoluk na Katawan so sakey a too. Tinulongan na Katawan ya akibakal so Israel!

Nahum 1:7

Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

1 Saray Arari 22:32

Nen anengneng day Ari Josafat abaloan dan ari na Israel, kanyan dinogpaan da. Balet nen inmeyag,

1 Samuel 19:15

Balet pinapawil ira nen Saul ta nengnengen dan dili si David. Inkuantod sikara, “Alsa yod katri to, awit yo dia, ta pateyen ko.”

Exodo 17:11

Legan ya akatagey iray taklay nen Moises, manalo ray Israelita, balet no iyabeba to ra, onggapon manalo ray Amalecita.

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

1 Saray Awaran 5:21

Asamsam dad saray kalaban da iray limamplon libo a kamilyo, duan lasus limamplon libo a karniro, tan duan libon asno. Inawit da ray adakep dad bakal a sanlasus libon totoo.

2 Saray Awaran 33:13

Dinengel na Dios so pikakasi nen Manases tan inebatan to diad panamegley na impangyabuloy ton makapawil ed Jerusalem tan manoley lamet. Diad saya anisiay Manases a say Katawan et Dios.

Esdras 8:23

Kanyan nanayuno kami tan impikasi mid Dios ya iyagel to kami, et inebatan to ray pikakasi mi.

Saray Salmo 37:40

Tutulongan tan ililiktar to ra; iyaagel to rad totoon maoges, ta papaiyagel irad sikato.

Daniel 6:23

Ontan lay impakaliket na ari tan ingganggan to ya aonen ed abut si Daniel. Kanyan inaon da tan anengneng da ya ag balut asakitan, ta nanmatalek ed Dios.

Genesis 49:19

“Dogpaan na sakey ya olup na matatakew si Gad, Balet poliktaran to ra, insan to ra osilan.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

2 Saray Awaran 26:7

Tinulongan na Dios ed impanalo tod saray Filisteo, saray Arabe a manaayam ed Gurbaal, tan saray Meunita.

Saray Salmo 37:39

Say Katawan ilalaban to ray totoon matonung tan iyaagel to ra no panaoy gunigon.

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Jeremias 39:18

Iyarawi ta kad kaatapan, tan ag ka napatey. Nipaliis kad patey lapud nanmatalek kad siak. Siak, say Katawan, so nansalita.”