1 Saray Awaran 29:16 - Maung A Balita Biblia

¹⁶ O Katawan a Dios mi, impantitipon min iter ira yan amin a kayamanan a pamaalagey na sakey a Timplo a pamagalang na masanton ngaran mo; balet nanlapu ra yan amin ed sika tan kayaryan mo ran amin.

Maung a Balita Biblia

¹⁶ O Katawan a Dios mi, impantitipon min iter ira yan amin a kayamanan a pamaalagey na sakey a Timplo a pamagalang na masanton ngaran mo; balet nanlapu ra yan amin ed sika tan kayaryan mo ran amin.

1 Saray Awaran 29:16 Referans Kwoze

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

Lucas 19:16

Sinmabiy sakey tan inkuanto, ‘Katawan, anuboy samploran kuartan balituk imay sakey ya inter mod siak.’

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

2 Saray Awaran 31:10

Si Azarias a Pangulon Pari tan kabyangay boleg nen Sadoc kuantod kinen Ezekias, “Nanlapu lad samay panaon a saray totoo et inyaakar dad Timplo iray rigalo ra, duga so kakanen; dakerakel ni ingen so soluk mi. Binindisionan na Katawan iray totoo to kanyan wala ra yan amin ed sikami.”

1 Saray Awaran 29:15

Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Aggeo 2:8

Kayaryan kon amin iray pilak tan balituk ed intiron mundo.