1 Saray Awaran 29:12 - Maung A Balita Biblia

¹² Amin a kayamanan tan kagalangan manlalapud sika; diad panamegley na biskeg tan pakayarim ooleyan moy amin a bengatla. Nayarian mon pagmaliwen a matalonggaring tan mabiskeg so siopaman.

Maung a Balita Biblia

¹² Amin a kayamanan tan kagalangan manlalapud sika; diad panamegley na biskeg tan pakayarim ooleyan moy amin a bengatla. Nayarian mon pagmaliwen a matalonggaring tan mabiskeg so siopaman.

1 Saray Awaran 29:12 Referans Kwoze

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

2 Saray Awaran 20:6

insan nampikasi na maksil, “O Katawan a Dios na saray lalaki mi, wala kad tawen a manooley ed amin da ray bansa ed mundo. Makapanyari tan mabiskeg ka, kanyan anggapoy makasumpad sika.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

Isaias 40:29

Pabibiskegen to ray makapoy tan saray naksawan.

2 Saray Awaran 1:12

Itdan ta ka na kakabatan tan pakatalus. Itdan ta ka met na saray kayaryan, kayamanan, tan kagalangan a dakel ni nen saray a kayaryan na anggan siopan ari ya akaona nen say sika odino say arin mantombuk ed sika.”

Puyan 11:17

tan inkuanda: “Katawan a Dios a Makapanyarin-amin, Dios natan tan nen saman! Misasalamat kamid sika ta inkanam so baleg a pakayarim, tan ginapwan mo lay manoley!

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Ecclesiastes 5:19

No say sakey a too et initdan na Dios na kayamanan tan kayaryan tan inabuloyan to a panliketan to ra, nepeg a misalsalamat tan panliketan toy nansagputan to. Rigalo ya na Dios.

Probirbio 10:22

Say bindision na Katawan so mamapayaman ed sika. Say pinasyan kimey ag to ka napayaman.

Say Libro nen Job 9:19

Ipakanak kasiy biskeg ed Dios? No idalem kod korti, siopay mangawit ed sikato?

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Probirbio 8:18

Wala ray kayamanan tan kagalangan ya iiter ko, aligwas tan say pampalabo.

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

Saray Salmo 29:11

Pabibiskegen na Katawan iray totoo to, tan bibindisionan to ra na kareenan.

Saray Salmo 29:1

Idayew yoy Katawan, sikayo ran anghil na Dios; idayew yoy kagalangan tan say pakayari to.

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Say Libro nen Job 42:10

Insan kayari nen Job ya impikasid Katawan ira may taloran kakaaro to, pinaaligwas lamet na Katawan; initdan toy mamiduan karakel na samay kayaryan to nen saman.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

2 Saray Awaran 32:29

Likud nid saraya, say Dios initdan to na saray karniro tan saray baka tan ontan lan karakel na arum nin kayamanan, kanyan angipaalagey na amayamay a siudad.

Daniel 2:20

“Say Dios makabat tan makapanyari! Sikatoy idayew yo ed ando lan ando.

Saray Salmo 62:12

tan ag mangoman so panangaro to. Sikan dili, O Katawan, so ontutumang ed balang sakey a too onung ed saray gawgawa to.

Saray Salmo 103:19

Inletneg na Katawan so trono to ed tawen; sikatoy ari ed sankamundoan.