1 Saray Awaran 28:9 - Maung A Balita Biblia

⁹ Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Maung a Balita Biblia

⁹ Insan inkuantod kinen Solomon, Anak ko, nia so bilin kod sika: birbir moy Dios nen ama tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 28:9 Referans Kwoze

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

1 Saray Arari 8:61

Sikayo ran totoo to, matoor kayo komun lawas ed Katawan a Dios tayo, maonur ed saray ganggan tan saray bilin to, a singa gagawaen yo la natan.”

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

Juan 4:24

Ispiritu so Dios, kanyan saray mangigalang ed sikato nepeg dan galangen ed ispiritu tan diad katwaan.”

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

1 Saray Arari 8:39

dengel mo pay pikakasi ra. Diad ayaman mod tawen dengel mo pa ra, pirdonam ira, tan tulongan mo ra. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

2 Saray Arari 22:2

Ginawa nen Josias so makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

Saray Gawgawa 1:24

Insan ira nampikasi, “Katawan, kabat moy walad puso na balang sakey. Ipanengneng mo pad sikami no siopay pinilim ed sarayan dua

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Juan 2:25

Ag la nakaukolan ya ipaamta na siopaman ed sikato no antoy inkatoo na anggan siopa, ta kabat to so walad puso na too.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Jeremias 11:20

Insan nampikasi ak, “Katawan a Makapanyarin-amin, sakey kan matonung a huis; susuboken moy kanunotan tan say liknaan da ray totoo. Iyabuloy mo pan nanengneng ta kan ombawid sarayan totoo, lapud sikay angimatalkan kod kipapasen ko.”

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Esdras 8:22

Ambaing ak lan onkerew ed ari na saray sondalon mangyagel ed sikamid saray kalaban legan min mambiahi, lapud imbagak ed sikaton bindisionan na Dios mi so siopaman a manmatalek ed sikato tan dusaen to so siopaman ya onarawid sikato.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Jeremias 20:12

Balet, Katawan a Makapanyarin-amin, maptek so panusubok mod saray totoo; amtam no anto ray walad puso tan kanunotan da. Iyabuloy mo pan nanengneng koy ibawim ed saray kalaban ko, ta impalimak ed sika so kipapasen ko.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

Saray Gawgawa 17:23

ta diad pampapasiar kod siudad yo tan pannenengneng kod saray pasen a pampipikasian yo, akanengneng ak na sakey ya altar a nisulat so onya: ‘Para Dios ya ag Kabat.’ Satan ya igagalang yo, anggaman ya ag yo kabat, sikatoy ipulong kod sikayo natan.

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Saray Salmo 89:26

Ikuantod siak, ‘Sikay amak tan Dios ko; Sikay manangyagel tan manangilaban ko.’

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

2 CORINTO 8:12

No mabolus kayon mangiter, awatey Dios so iter yo. Awaten to onung na walad sikayo, aliwan onung na anggapod sikayo.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

1 Saray Arari 8:43

dengel mo pay pikakasi to. Diad ayaman mod tawen dengel mo pa, tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa pakaamta tan itatakot ed sika na saray dilin totoom. Naamtaan dad satan a diad sayan Timplo ya impaalagey ko so nepeg a pangigalangan ed sika.

2 Saray Arari 21:22

Impolisay toy Katawan, say Dios na saray lalaki to, tan ag to inonur iray ganggan na Katawan.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

1 Saray Awaran 28:8

“Kanyan natan, totook ira, diad imaton na Dios tan sayan tipon na amin ya Israelita a totoo na Katawan, simbawaen ta kayo ya apiapiger yon onuren iray amin ya ingganggan ed sikatayo na Katawan a Dios tayo, pian mansiansian kayaryan yo yan mabonan dalin, tan nipatawir yod saray ontombuk a kailalakan ya anggad angga.”

2 Saray Awaran 6:30

dengel mo pa ray pikakasi ra. Ditad ayaman mod tawen dengel mo pa ra tan pirdonam ira. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

Saray Salmo 89:38

Balet mamapasnuk kad pinilim ya ari; inkaindan tan impolisay mo.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Isaias 38:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray nilabay mon pagawad siak.” Kayari ton nampikasi nanakis na ampaipait.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

1 Samuel 12:20

“Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

2 Saray Awaran 12:5

Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, “Saya so papaibaga na Katawan ed sikayo: ‘Inkaindan yo ak, kanyan natan inkaindan ta kayo ed lima nen Sisak.’”

Saray Salmo 7:10

Say Dios so manangyagel ko, ilalaban to ray matoluk ed sikato.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Probirbio 4:4

binabangatan ak nen amak. Inkuanda, “Nunot mo ray ibabagak tan ag mo ra lilingwanan. Onur mo ray ganggan ko, et mambilay ka.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Ezekiel 11:5

Linmoob ed siak so ispiritu na Katawan, tan imbaga na Katawan ed siak ya ikuankod saray totoo so kuanto: “Totood Israel, amtak iray sasalitaen yo tan saray iplaplano yo.