1 Saray Awaran 28:5 - Maung A Balita Biblia

⁵ Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

Maung a Balita Biblia

⁵ Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

1 Saray Awaran 28:5 Referans Kwoze

1 Saray Awaran 23:1

Nen masikesiken lay David ginawa ton ari na Israel si Solomon ya anak to.

1 Saray Awaran 29:23

Kanyan si Solomon sinalatan ton manari si ama ton David, tan inmirung ed tronon inletneg na Katawan. Maaligwas so impanari to, tan inmonur ed sikato ray amin ya Israelita.

1 Saray Awaran 29:1

Inkuanen David ed amin da ray totoon nantitipon, “Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.

1 Saray Awaran 17:14

Ipasen kon manoley ya ando lan ando ed saray totook tan diad panarian ko. Pansiansiaen ko ya anggad angga so nanarian to.’”

1 Saray Arari 2:15

Inmebat, “Amtam a siak komuy nagmaliw ya ari tan inilaloan ya na amin a too ed Israel. Balet sananey so agawa, ta say agik so nagmaliw ya ari lapud linawa na Katawan a sikatoy manari.

1 Saray Arari 8:20

“Sinumpal natan na Katawan yan sipan to; sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.

2 Saray Awaran 9:8

Nadayew komun so Katawan a Dios mo! Diad impakaliket tod sika ginawa to kan ari a manoley ed ngaran to. Lapud panangaro tod saray totoo ton Israelita tan lapud labay to ran pansiansiaen ya anggad angga, impagmaliw to kan ari ra pian napansian-siam so kaptekan tan katonungan.”

Deuteronomio 17:15

Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

1 Saray Arari 1:13

Lakan tampol ed kinen Ari David tan tepet mod sikato, ‘Ag mo ta sinambaan, Kagalang ya Ari, a si Solomon ya anak ko so onsalat ed sikan manari? Akin sirin et nagmaliw ya ari si Adonias?’”

1 Saray Arari 1:20

Kagalang ya Ari, amin da ray totood Israel et sikay aalagaren dan mangibagad sikara no siopay manarin onsalat ed sika.

1 Saray Arari 1:30

a sumpalen ko natan imay sinambaan kod sika diad ngaran na Katawan a Dios na Israel a say anak mon Solomon so onsalat ed siak a manari.”

1 Saray Arari 1:35

Tombuk yon ompawil dia, tan kasabi to onirung lad tronok. Salatan to ak a manari, ta sikatoy pinilik a manoley ed Israel tan Juda.”

1 Saray Awaran 29:28

Masiken la nen inatey. Andokey so bilay to, mayaman tan napnoy kagalangan. Sinmalat ed sikaton nanari si Solomon a lakin anak to.