1 Saray Awaran 28:12 - Maung A Balita Biblia

¹² Inter to met ed sikato iray plano na nununoten ton pakagawa ed saray solar tan saray kuartod kaliber-liber da, tan saray kuarton panagsinupan na saray kagawaan ed Timplo tan saray rigalon nisaklang ed Katawan.

Maung a Balita Biblia

¹² Inter to met ed sikato iray plano na nununoten ton pakagawa ed saray solar tan saray kuartod kaliber-liber da, tan saray kuarton panagsinupan na saray kagawaan ed Timplo tan saray rigalon nisaklang ed Katawan.

1 Saray Awaran 28:12 Referans Kwoze

1 Saray Awaran 26:20

Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

2 Saray Arari 18:15

Inter sirin nen Ezekias ya amin iray pilak a walad dalem na Timplo tan saray pilak a walad pananginay kayamanan ed palasio;

2 Saray Arari 16:8

Inala nen Acaz iray pilak tan balituk ed Timplo tan diad pananginay kayamanan ed palasio, insan to ra impairigalod impirador.

1 Saray Arari 15:18

Kanyan inala nen Ari Asa iray amin a pilak tan balituk ya atilak nid dalem na Timplo tan diad dalem na palasio, insan to ingganggan iray pigaran opisyal to ya iyakar da rad Damasco. Diad Damasco so panaayaman na ari na Siria a si Ari Ben-hadad a lakin anak nen Tabrimon tan apo nen Hezion. Inter dad ari imay pilak tan balituk, insan da sinalita so papaibaga nen Ari Asa:

1 Saray Arari 15:15

Inyan tod dalem na Timplo ya amin iray kagawaan ya insasaklang nen ama to ed Dios. Inyan to met iray balituk tan pilak a kagawaan ya insasaklang ton dili.

1 Saray Arari 14:26

Imbatik ton amin iray kayamanan ed dalem na Timplo tan palasio, pati saray balituk a samper a ginagawa nen Solomon.

Exodo 31:2

“Pinilik si Bezalel a lakin anak nen Uri tan apo nen Hur tan kabyangan na boleg na Juda;

Exodo 25:40

Gawam ira onung ed samay planon impanengneng kod sika dimad tagey na palandey.

1 Saray Awaran 28:11

Inter nen David ed kinen Solomon iray plano na amin a paalagey na Timplo, saray panagsinupan a kuarto tan amin nin arum a kuarto, tan say Sankasantosan a Pasen a diay pakapirdonaan na kasalanan.

1 Saray Awaran 28:19

Inkuanen Ari David, “Amin da ra ya et wala rad plano a nisulat onung ed saray bilin na dilin Katawan a gawaen ko.”

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Ezekiel 40:38

Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.

1 Saray Arari 7:51

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray amin a bengatlan insaklang nen ama ton David ed Katawan—saray pilak, balituk, tan saray arum a kagawaan.

Jeremias 35:2

“Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.”