1 Saray Awaran 26:20 - Maung A Balita Biblia

²⁰ Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

Maung a Balita Biblia

²⁰ Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

1 Saray Awaran 26:20 Referans Kwoze

1 Saray Awaran 26:22

Saray duaran arum nin anak nen Ladan a di Zetam tan Joel et makaoley irad pananginay kayamanan na Timplo tan saray kuarton panagsinupan.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Esdras 2:69

Ginawa ray anggaay nayarian dan mangiter para sayan kimey; apat a lasus, anemaplo tan walon kilo a balituk, duan libo, anem a lasus tan waloran kilon pilak, tan sanlasus a kawes na papari.

1 Saray Awaran 26:24

Si Sebuel a kabyangay boleg nen Gersom a lakin anak nen Moises so manonan opisyal ed saray makaoley ed pananginay kayamanan na Timplo.

1 Saray Awaran 18:11

Insaklang nen David ira ya ed Katawan a pati saray pilak tan balituk a nalnala tod saray bansan tinatalo to—Edom, Moab, Ammon, Filistia, tan Amalec.

1 Saray Arari 15:18

Kanyan inala nen Ari Asa iray amin a pilak tan balituk ya atilak nid dalem na Timplo tan diad dalem na palasio, insan to ingganggan iray pigaran opisyal to ya iyakar da rad Damasco. Diad Damasco so panaayaman na ari na Siria a si Ari Ben-hadad a lakin anak nen Tabrimon tan apo nen Hezion. Inter dad ari imay pilak tan balituk, insan da sinalita so papaibaga nen Ari Asa:

1 Saray Arari 14:26

Imbatik ton amin iray kayamanan ed dalem na Timplo tan palasio, pati saray balituk a samper a ginagawa nen Solomon.

1 Saray Arari 7:51

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray amin a bengatlan insaklang nen ama ton David ed Katawan—saray pilak, balituk, tan saray arum a kagawaan.

1 Saray Awaran 26:19

Sikara yay nipabetang a pangguardiaan na saray kabyangay pamilya nen Core tan saray kabyangay pamilya nen Merari.

1 Saray Awaran 26:21

Si Ladan a kabyangay boleg nen Gerson et laki na pigaran olup na pamilya; sakey ed saraya so pamilya nen Jehiel ya anak to.

Saray Bilang 8:26

Kayari to ya, nayarin tulongan to ray kapara ton Levita diad panggawa ray susumpalen da ed Tulda, balet ag nayarin gawaen tod sikaton dili so antokaman a kimey. Saya so totontonen a nipaakar ed pankimey da ray Levita.”

2 Saray Awaran 8:15

Asumpal ya amin iray bilin nen David ed saray papari tan saray Levita nipaakar ed saray abung a panagsinupan tan saray arum a pamaakaran.

Esdras 8:28

Inkuankod sikara, “Masanto kayod Katawan, say Dios na saray lalaki yo, kanyan masanto met iray amin a pilak tan balituk ya ikakanad Timplo a niiter ed sikato manlapud mabolus a linawa.

Nehemias 12:44

Diad saman a panaon nipasen iray pigaran lalaki a makaoley ed saray kuarton panagsinupan na saray tulong para Timplo a pati saray kakaplo, tan say trigon ononan anien tan say bungan ononan borboren kapag taon. Sarayan totoo so makaoley a manala, diad kaalogan na nandoroman siudad, na saray rigalon iter na totoo a para saray papari tan saray Levita onung na ibabagay Ganggan. Aliketan ya amin iray totoo na Juda ed saray papari tan saray Levita