1 Saray Awaran 25:5 - Maung A Balita Biblia

⁵ Initdan na Dios di Heman a propita na ari na sarayan labinapat ya anak a lalaki tan taloran bibii onung na insipan to, pian naitdan toy pakayari si Heman.

Maung a Balita Biblia

⁵ Initdan na Dios di Heman a propita na ari na sarayan labinapat ya anak a lalaki tan taloran bibii onung na insipan to, pian naitdan toy pakayari si Heman.

1 Saray Awaran 25:5 Referans Kwoze

1 Saray Awaran 21:9

Inkuan na Katawan ed kinen Gad a propita nen David,

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Saray Salmo 127:3

Rigalo na Katawan iray anak; petepeteg iran tumang.

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

2 Samuel 24:11

Inkuan na Katawan ed kinen Gad a propita nen David, “Lakad kinen David, ta ibagam ed sikato ya itdan koy taloran panpilian. Gawaen ko so antokaman a pilien to.” Kaimbuas, nen abangon lay David,

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)

Genesis 33:5

Nen anengneng nen Esau ira may bibii tan saramay ogogaw, tinepet to, “Siopa ra yay kaibam?” Inmebat si Jacob, “Sikara yay ogogaw ya inter na Dios ed siak lapud panangaro to.”

1 Saray Awaran 25:4

Saray lalakin anak nen Heman a di: Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Malloti, Hotir, tan Mahaziot.

2 Saray Awaran 35:15

Saray tumutogtog tan saray kumakanta a kabyangan ira na boleg nen Asaf et wala rad saray pasen ya impabetang ed sikara nen Ari David: Asaf, Heman, tan Jedutun a propita na ari. Ag kinaukolan na saray guardiad saray puirta na Timplo ya ontaynan irad saray pasen da, lapud saray Levita et imparaanan da la ra na Paskua.