1 Saray Awaran 25:1 - Maung A Balita Biblia

¹ Pinili nen David tan saray pangulo da ray Levita iray onggendan a boleg na Levita a mangipangulo ed pangigalang ed Dios: Asaf, Heman, tan Jedutun. Sikaray mangibawag na saray salitay Dios legan a totogtogen iray saltirio, saray arpa tan saray piangpiang. Saya so listaan da ray totoon apilin mangipangulo na pangigalang ed Dios tan saray kimey da:

Maung a Balita Biblia

¹ Pinili nen David tan saray pangulo da ray Levita iray onggendan a boleg na Levita a mangipangulo ed pangigalang ed Dios: Asaf, Heman, tan Jedutun. Sikaray mangibawag na saray salitay Dios legan a totogtogen iray saltirio, saray arpa tan saray piangpiang. Saya so listaan da ray totoon apilin mangipangulo na pangigalang ed Dios tan saray kimen da:

1 Saray Awaran 25:1 Referans Kwoze

1 Saray Awaran 6:33

Saraya so pamilya a nambemben na sayan kimey. Diad boleg nen Coat: Heman, say pangulo na ononan grupoy kumakanta. Si Israel so sengeg na boleg nen Heman ya anak nen Joel ya anak nen Samuel,

2 Saray Arari 3:15

Iyakaran mo ak dia sirin natan na managtogtog.” Legan a totogtogen toy arpa to may managtogtog, niwalay pakayari na Katawan ed kinen Eliseo,

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

1 Saray Awaran 6:39

Si Asaf so pangulo na kumadwan grupoy kumakanta. Si Levi so sengeg na boleg nen Asaf ya anak Berekias ya anak nen Simea; si Simea

Nehemias 12:27

Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

2 Saray Awaran 34:12

Napanmatalkan a sigput iray nankimey. Saray angipangulod sikara et si Jahat tan si Obadias a kabyangan iray Levitan boleg nen Merari, tan si Zacarias tan si Mesullam a kabyangan iray Levitan boleg na Coat. (Marunong ed musika iray amin a Levita.)

2 Saray Awaran 23:13

Anengneng tod man so balon ari a walad lolooban na Timplo; manalalagey ed abay na lusek a niganan para saray arari tan aliber na saray opisyal na sondalo tan saray managtrumpita. Malikeliket a maneeyagan iray amin a totoo tan papaknulen da ray trumpita. Saray tumutogtog tan saray kumakanta ed Timplo so mangipapangulo ed sayan nagagawa, tan ikakana da ray kagawaan da ed musika. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

1 Saray Awaran 25:3

Saray lalakin anak nen Jedutun a di: Gedalias, Zeri, Isayas, Simei, Hasabias, tan Matatias. Diad panangiwanwan nen ama ra, imbawag day salitay Dios legan a totogtogen iray arpa; nankakanta ray dayew tan pisasalamat ed Katawan.

Saray Salmo 81:2

Igapo yoy mankanta tan paknul yo ray pandirita; manogtog kayoy marakep ed saray arpa tan saray lira.

Nehemias 12:24

Diad panangipangulo di Hasabias, Serebias, Jesua, Binui, tan Cadmiel naapag-apag ed pigaran grupo iray Levita. Duaran grupo so manebatan a mangidayew ed Dios tan misalamat ed Dios onung na saray bilin nen Ari David a too na Dios.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

2 Saray Awaran 23:9

Inter nen Joiada ed saray opisyal iray pika tan saray samper a kayaryan nen Ari David a nisinup ira ed Timplo.

2 Saray Awaran 23:1

Kayariy anem taon, ginetma la nen Joiada a pari so onggalaw. Akipaknaan ed saray limaran opisyal na saray sanlalasus a sondalo, a di Azaria a lakin anak nen Jehoram, Ismael a lakin anak nen Jeohanan, Azaria a lakin anak nen Obed, Maasias a lakin anak nen Adaya, tan Elisafat a lakin anak nen Zicri.

1 Saray Awaran 23:2

Impantitipon nen Ari David iray amin a pangulo da ray Israelita tan amin iray papari tan saray Levita.

1 Saray Awaran 6:44

Si Etan a kabyangay boleg nen Merari so pangulo na kumatlon grupoy kumakanta. Si Levi so sengeg na boleg nen Etan ya anak nen Kisi ya anak nen Abdi; si Abdi anak nen Malluc ya

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

1 Saray Awaran 25:2

Saray lalakin anak nen Asaf a di: Zacur, Jose, Netanias, tan Asarela. Diad panangiwanwan nen Asaf imbawag da ray salita na Dios kapag iganggan ira na ari.

2 Saray Awaran 8:14

Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

2 Saray Awaran 23:18

Si Joiada impasen ton makaoley ed saray kimey ed Timplo iray papari tan saray Levita. Nepeg dan onuren iray kimey ya impabetang nen Ari David ed sikara. Nepeg da met so mangisaklang ed Katawan na saray bagat a popoolan onung ed Ganggan nen Moises. Makaoley met ira ed musika tan saray pista.

2 Saray Awaran 35:15

Saray tumutogtog tan saray kumakanta a kabyangan ira na boleg nen Asaf et wala rad saray pasen ya impabetang ed sikara nen Ari David: Asaf, Heman, tan Jedutun a propita na ari. Ag kinaukolan na saray guardiad saray puirta na Timplo ya ontaynan irad saray pasen da, lapud saray Levita et imparaanan da la ra na Paskua.

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.

1 Saray Arari 10:12

Inkana nen Solomon ira yan tabla ed impanggawa tod saray barandilyas ed Timplo tan diad palasio, tan inkana to ra met ed impanggagawa to na saray arpa tan saray saltirio a para saray tumutogtog tan saray kumakanta. Sankaabigan yan tablan sandalo a nilakod Israel; anggapo niy singa onyan anengneng ya anggad natan.)

1 Saray Awaran 6:16

Taloray lalakin anak nen Levi: di Gerson, Coat, tan Merari.

1 Saray Awaran 13:8

Si David balet tan saray amin a totood Israel nansasayaw ira ed anggaay nayarian da a pangigalang ed Dios. Nankakanta ra tan nantotogtog ira na saray arpa, tambul, piangpiang, tan trumpita.

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

1 Saray Awaran 25:9

Sarayan duan lasus tan walomplo tan walo et naapag ira a duamplo tan apat ya olup onung na nanlapwan dan pamilya; balang olup labinduay kabyangay to tan walay pangulo to. Onyay impantotombukan dan nanlilingkur: 1) Jose a kabyangay pamilya nen Asaf; 2) Gedalias; 3) Zacur; 4) Izri; 5) Netanias; 6) Bukias; 7) Jesarela; 8) Jesaias; 9) Matanias; 10) Simei; 11) Azariel; 12) Hasabias; 13) Subael; 14) Matitias; 15) Jeremot; 16) Hananias; 17) Josbekasa; 18) Hanani; 19) Malloti; 20) Eliata; 21) Hotir; 22) Gidalti; 23) Mahaziot; 24) Romamti-ezer.

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

Nehemias 11:17

Si Matanias a lakin anak nen Mica tan apo nen Zabdi, tan kabyangay boleg nen Asaf. Impangulo to ray kumakantad Timplo diad panagkanta ray dasal na pisasalamat. Si Bacbukias a katulong nen Matanias ed kimey to. Si Abda a lakin anak nen Samua tan apo nen Galal, tan kabyangay boleg nen Jedutun.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.