1 Saray Awaran 24:1 - Maung A Balita Biblia

¹ Sikara yay olup na totoon kabyangay boleg nen Aaron. Apatiray lalakin anak nen Aaron: di Nadab, Abiu, Eleazar, tan Itamar.

Maung a Balita Biblia

¹ Sikara yay olup na totoon kabyangay boleg nen Aaron. Apatiray lalakin anak nen Aaron: di Nadab, Abiu, Eleazar, tan Itamar.

1 Saray Awaran 24:1 Referans Kwoze

Exodo 6:23

Si Aaron inasawa toy Eliseba ya anak nen Aminadab tan agi nen Naazon; saray anak da et di Nadab, Abiu, Eleazar, tan Itamar.

1 Saray Awaran 23:6

Si David impankatlo ton grupo iray Levita, onung ed saray boleg da: Gerson, Coat, tan Merari.

Saray Bilang 26:60

Apatiray lalakin anak nen Aaron a di Nadab, Abiu, Eleazar, tan Itamar.

Saray Bilang 3:2

Si Aaron apatiray lalakin anak to a di Nadab a sankapangulowanan, Abiu, Eleazar, tan Itamar.

1 Saray Awaran 6:3

Duaray lalakin anak nen Amram a di Aaron tan Moises, tan sakey so anak ton bii a si Miriam. Apatiray lalakin anak nen Aaron: di Nadab, Abiu, Eleazar, tan Itamar.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

1 Saray Awaran 28:13

Inter met nen David ed sikato iray plano na nipaakar ed pakaapag-apag na saray papari tan saray Levita diad panggawa saray kimey dad Timplo tan say pangasikaso rad saray amin ya ikakanad Timplo.

2 Saray Awaran 5:11

Amin a paparin wadman, anggan anton grupoy kawalaan da, insaklang day sikaran dili. Amin da ray Levitan tumutogtog tan kumakanta a di Asaf, Heman, tan Jedutun tan saray kabyangay boleg da et akasolung iray linen a kawes. Nanalagey iray Levita ed abay na altar diad nibokig a dapag. Sankaawit da ray piangpiang tan saray arpa; tan kaiba da ray sanlasus tan duamplon papari a mamapaknul na trumpita. Saray kumakanta indayew day Katawan tan babansagan iray trumpita, saray piangpiang tan arum ni ran kagawaay musika. Kinanta ra: “Igalang yoy Katawan ta sikato et maung, Tan mansiansia ed ando lan ando so panangaro ton ag mangoman.” Legan a tataynan na saray papari so Timplo, biglan apano na lorem na Kagalangay Katawan, kanyan ag da la nituloy so pangigagalang da.

2 Saray Awaran 8:14

Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

2 Saray Awaran 23:8

Inonur na saray Levita tan saray totood Juda iray bilin nen Joiada. Ag ira pinasempet nen Joiada no Agew na Panagpainawa, wala man o anggapoy kimey da, kanyan sipaparaan ira lawas ya iganggan na saray pangulo ra.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

Saray Bilang 3:4

balet inatey ira di Nadab tan Abiu nen angisaklang irad Katawan na aliwan masanton apoy diad Kalawakan na Sinai. Anggapoy anak da, kanyan di Eleazar tan Itamar so nanlingkur a papari legan na impanbilay nen Aaron.

1 Saray Awaran 6:34

si Samuel anak nen Elcana ya anak nen Jeroham ya anak nen Eliel; si Eliel anak nen Toah

Esdras 7:5

Si Buki et lakin anak nen Abisue, a lakin anak nen Finees, a lakin anak nen Eleazar. Si Eleazar et lakin anak nen Aaron a Pangulon Pari.