1 Saray Awaran 23:5 - Maung A Balita Biblia

⁵ Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

Maung a Balita Biblia

⁵ Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

1 Saray Awaran 23:5 Referans Kwoze

Amos 6:5

Labalabay yoy manggawa na saray kanta a singa ginawa nen David, tan totogtogen yo ra ed saray arpa.

Saray Salmo 87:7

Onsasayaw tan ikakanta ra, “Diad Sion so panlalapwan na amin a bindision tayo.”

2 Saray Awaran 8:14

Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

Nehemias 7:73

Nanaayam ed saray baley tan saray siudad na Juda iray amin a totood Israel; saray papari, saray Levita, saray guardiad Timplo, saray tumutogtog tan saray kumakanta, saray amayamay ya ordinarion totoo, tan saray kumikimey ed Timplo.

Esdras 7:7

Iinmay Esdras ed Jerusalem a kaiba toy sakey a grupo na saray Israelita, a pati saray papari, saray Levita, saray tumugtogtog tan saray kumakanta ed Timplo, saray guardiay Timplo, tan saray kumikimey. Agawa ya nen kumapitoy taon na panooley nen Ari Artajerjes.

2 Saray Awaran 35:15

Saray tumutogtog tan saray kumakanta a kabyangan ira na boleg nen Asaf et wala rad saray pasen ya impabetang ed sikara nen Ari David: Asaf, Heman, tan Jedutun a propita na ari. Ag kinaukolan na saray guardiad saray puirta na Timplo ya ontaynan irad saray pasen da, lapud saray Levita et imparaanan da la ra na Paskua.

1 Saray Awaran 16:38

Tinmutulong ed sikara si Obed-edom a lakin anak nen Jedutun tan saray anemaplo tan walon lalaki a kakanayon to. Si Hosa tan si Obed-edom so makaoley ed pangguardiad saray puirta.

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

1 Saray Arari 10:12

Inkana nen Solomon ira yan tabla ed impanggawa tod saray barandilyas ed Timplo tan diad palasio, tan inkana to ra met ed impanggagawa to na saray arpa tan saray saltirio a para saray tumutogtog tan saray kumakanta. Sankaabigan yan tablan sandalo a nilakod Israel; anggapo niy singa onyan anengneng ya anggad natan.)

2 Saray Arari 7:10

Kanyan tinaynan day kampo da ray Siriano, linma rad siudad, insan tinawag da ray guardia na saray puirta tan kuandad sikara: “Linma kamid kampo da ray Siriano, et anggapoy toon anengneng o alikas min wadman; ag naokbaran iray kabayo tan saray asno, tan singa kipapasen dan gendat iray tulda.”

1 Saray Awaran 16:4

Tinoro nen David iray pigaran Levita a mangipanguloy pikakasi, pisasalamat, tan panangidayew ed Dios na Israel, diad arap na Kaban na Sipanan.

1 Saray Awaran 23:30

Nepeg day onalagey a misalamat tan mangigalang ed Katawan kapag kabwasan tan kapag labi

2 Saray Awaran 20:28

Nen kasabi rad siudad, tinmalus irad Timplo a tinogtogan ira na saray arpa tan saray trumpita.

2 Saray Awaran 34:13

Saray arum a Levita et sikaray angipangulo ed panagsakbat na saray ikakana tan sikaray kapatas ed saray totoon walad nandoroman kimey. Sikritario odino guardia na Timplo iray arum a Levita.

Isaias 64:10

Singa kabueran iray siudad mo; ataynan ya aderal-deral so Jerusalem,