1 Saray Awaran 23:28 - Maung A Balita Biblia

²⁸ Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

Maung a Balita Biblia

²⁸ Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

1 Saray Awaran 23:28 Referans Kwoze

Nehemias 13:9

Ingganggan kon nalinisan imay kuarto onung ed ganggan; ingganggan ko met a nipawil diman iray kagawaan na Timplo, saray bagat a trigo, tan say insinso.

2 Saray Awaran 31:11

Onung ed ganggan na ari, angiparaan ira na saray kuarton panagsinupan ed solar na Timplo,

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.

Ezekiel 42:3

Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.

Ezekiel 41:26

Wala ray bintana ed diking na sayan kuarto, tan adikoraan na nikortin kiew a palmira iray padir to yan kuarto.

Jeremias 35:4

insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Nehemias 11:24

Si Petahias, a lakin anak nen Mezezabel tan kabyangay boleg nen Zera tan say tribu nen Juda, so angilaman ed saray totood Israel diad korti na Persia.

Esdras 8:29

Asikaso yo ran maung anggad nasabi yoy Timplo. Diad loob da ray kuarto na papari, simbang yo rad arap da, insan yo ipalimad saray pangulo na saray papari tan saray Levita, tan diad saray pangulo da ray totood Israel a walad Jerusalem.”

2 Saray Awaran 29:5

tan diman to ra akitongtongan. Inkuanto, “Sikayo ran Levita, linisan yo onung ed ganggan so sikayon dili tan say Timplo na Katawan a Dios na saray lalaki yo. Ekal yo ray amin a makarotak ed Timplo.

1 Saray Awaran 28:13

Inter met nen David ed sikato iray plano na nipaakar ed pakaapag-apag na saray papari tan saray Levita diad panggawa saray kimey dad Timplo tan say pangasikaso rad saray amin ya ikakanad Timplo.

1 Saray Awaran 23:4

Impasen na ari iray duamplo tan apat a libo a mangipangulo na kimey ed Timplo, tan say anem a libo et impasen to ran makaoley ed pansulat na awaran tan panintinsia ed antokaman a kolkolan.

1 Saray Awaran 18:17

si Benaya a lakin anak nen Joiada so makaoley ed saray umaantabay ed kinen David—salanti saray Kereteo tan saray Peleteo; tan saray lalakin anak nen Ari David et atatagey a betang so ineegnaan da diad impanlingkur dad sikato.

1 Saray Arari 6:5

Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

1 Saray Awaran 23:27

Onung na saray kaonuran a bilin nen David, nipalistan manlingkur iray amin a Levitan makasabid taon a duamplo.

1 Saray Awaran 23:29

Sikara met so makaoley ed saray tinapay ya imbagat ed Dios, diad arinan inkana ed saray panagbagat, diad saray maimpis a tinapay ya anggapoy libadura, diad saray bagat ya inggawan kanen, tan diad arinan inkames ed larak; sikara met so makaoley ed panagsimbang tan panagsukat na saray bagat ed Timplo.

2 Saray Awaran 23:6

Anggapod satan so onloob ed Timplo, likud ed saray papari tan saray Levita a niganan manlingkur. Nayarin onloob ira ya, lapud nisaklang so bilay da, balet nepeg ya onuren na arum a totoo iray bilin na Katawan kanyan manayam irad paway.

2 Saray Awaran 29:15

Tinipon da ray kapara ran Levita, tan nilinisan day sikaran dili onung ed ganggan. Insan onung na ingganggan na ari ginapwan dan nilinisan so Timplo onung ed Ganggan na Katawan.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Ezekiel 44:14

Gawaen ko ra labat a katulong ed amin a nepeg a kimeyan ed dalem na Timplo.”

2 Saray Awaran 23:4

Onyay gawaen tayo. Saray papari tan saray Levita, no onla ran mankimey no Agew na Panagpainawa, et guardiaan na kakatlod sikara iray puirta na Timplo,