1 Saray Awaran 23:27 - Maung A Balita Biblia

²⁷ Onung na saray kaonuran a bilin nen David, nipalistan manlingkur iray amin a Levitan makasabid taon a duamplo.

Maung a Balita Biblia

²⁷ Onung na saray kaonuran a bilin nen David, nipalistan manlingkur iray amin a Levitan makasabid taon a duamplo.

1 Saray Awaran 23:27 Referans Kwoze

1 Saray Awaran 23:24

Sikara yay kabyangay boleg nen Levi. Sansakey a nipalistay kangaranan da onung ed saray boleg tan pamilyan nanlapwan da. Balang kabyangay boleg to a mantaon na duamplo a mampaatagey et walay biang tod kimey ed Timplo na Katawan.

Saray Salmo 72:20

Sikato yay samput na saray pikakasi nen David a lakin anak nen Jesse.

1 Saray Awaran 23:3

Impabilang ton amin iray Levitan lalaki a mantaoy talomplo a mampaatagey. Talomplo tan walon libo so bilang dan amin.

2 Samuel 23:1

Si David a lakin anak nen Jesse et sikatoy ginawa na Dios a matalonggaring, pinili na Dios nen Jacob a manari, tan sikatoy nanggawa na saray marakep a kanta a para Israel. Nia ray kaonuran a salita nen David:

1 Saray Awaran 23:26

Anggapo la natan sirin so pankaukolan ya alalsaen na saray Levita so Tuldan Ayamay Katawan tan amin da ray ikakana ed panangigalang.”

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

Saray Bilang 3:8

Sikaray makaoley ed amin a kagawaan na Tulda tan manlingkur ed saray arum nin Israelita.

Saray Bilang 4:3

tan ilista ton amin iray lalakin mantaon na talomplo ya anggad limamplo a nayarian day mankimey ed Tuldan Ayamay Katawan.

2 Saray Awaran 31:17

Niiter ed saray papari iray kimey da onung na saray nanlapwan dan boleg, balet saray Levitan mantaon na duamplo a mampaatagey onung ed grupon kawalaan da.