1 Saray Awaran 22:5 - Maung A Balita Biblia

⁵ Ninunot nen David, “Say Timplon ipaalagey na anak ton Solomon et nepeg a sankaabigan tan bantug ed intiron mundo. Balet malangwer ni tan aliwa nin dakel so asalsali tod panagbilay, kanyan nepeg kon iparaan iray ikana.” Kanyan kasakbayan ya inatey si David imparaan to ni so amayamay ya ikanad pamaalagey na Timplo.

Maung a Balita Biblia

⁵ Ninunot nen David, Say Timplon ipaalagey na anak ton Solomon et nepeg a sankaabigan tan bantug ed intiron mundo. Balet malangwer ni tan aliwa nin dakel so asalsali tod panagbilay, kanyan nepeg kon iparaan iray ikana. Kanyan kasakbayan ya inatey si David imparaan to ni so amayamay ya ikanad pamaalagey na Timplo.

1 Saray Awaran 22:5 Referans Kwoze

1 Saray Awaran 29:1

Inkuanen David ed amin da ray totoon nantitipon, “Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.

1 Saray Arari 3:7

O Katawan a Dios, insalat mo ak ed kinen amak a manari, anggaman ya ogaogaw ak ni tan ag ko amta no panoy panoley.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 3:30

Nepeg toy nitanduro, balet nepeg koy niabeba.”

Juan 9:4

Natan ta agew ni, nakaukolan a gawaen ti ray pagagawa na angibakid siak, ta onsabiy labi ya anggapoy makapankimey.

Lucas 21:5

Pantotongtongan na pigarad sikara so nipaakar ed Timplo, saray mararakep a bato ya inkana tan saray bagat ed Dios. Balet inkuanen Jesus,

Aggeo 2:9

Magmaliw a marakep ni so balon Timplo nen say samay daan, tan itdan ko na aligwas tan kareenan iray totoo.” Say Katawan a Makapanyarin-amin so nansalita.

Aggeo 2:3

“Siopad sikayo so makanunot na karakpan na samay gendat a Timplo? Antoy pakanengneng yo natan? Arawdawi yan tuloy ed karakpan, anto?

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Esdras 3:12

Dakel ed saray mamatakken a papari, Levita, tan pangulo da ray boleg so akanengneng ed samay inmonan Timplo, et nanakis iray maksil legan ya ipapaletneg so pundasion na sayan Timplo. Balet naneeyag ed liket iray arum a wadman.

2 Saray Awaran 13:7

Ag abayag anogyup na saray andi-kakanaan a lalaki, tan impasoot day labay da ed lakin anak nen Solomon a si Roboam ya ogaogaw nid saman tan anggapo niy asalsali tod bilay, kanyan ag to ra nalabanan.

2 Saray Awaran 7:21

“Sayan Timplo et daydayewen a tuloy natan, balet nikelawan iray amin ya ondalan dia tan tepeten da, ‘Akin et ginawa na Katawan so onya ed sayan dalin tan diad sayan Timplo?’

2 Saray Awaran 2:5

Baleg a timplo so ipapaalagey ko, lapud matalonggaring so Dios nen saray arum a diriyos.

1 Saray Arari 9:8

Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

Probirbio 4:3

Nen ogaw ak nin melag, a bukbukor koy anak na saray ateng ko,

2 Saray Awaran 2:4

Mamapaalagey ak na timplo tan dia kami mangigalang ed sikato diad pampool mi na insinson agawa rad ambalbalingit iran rikado; dia kami met mangisaklang ya andi-tonda na bagat a tinapay, tan dia met so pangisaklangan mi na saray bagat a popoolan kapag kabwasan tan labi, no Agew na Panagpainawa, no Pistay Balon Bulan, tan no arum iran masanton agew a pamagalang ed Katawan a Dios mi. Ingganggan to ya ed saray Israelita a gawaen dan ando lan ando.

2 Saray Awaran 2:8

Amtak a marunong a mambatang na kiew iray totoom, kanyan paiyakaran mo ak pa dia na saray troson sidro, saleng, tan sandalo na Libano. Sipaparaan ak a mangibaki na totook ya ontulong ed sikara