1 Saray Awaran 22:2 - Maung A Balita Biblia

² Ingganggan nen Ari David a mantitipon iray amin a sangkaili a manaayam ed dalin na Israel, insan to ra impankimey. Saray arum nantabas iray bato ya ikanad pamaalagey na Timplo.

Maung a Balita Biblia

² Ingganggan nen Ari David a mantitipon iray amin a sangkaili a manaayam ed dalin na Israel, insan to ra impankimey. Saray arum nantabas iray bato ya ikanad pamaalagey na Timplo.

1 Saray Awaran 22:2 Referans Kwoze

2 Saray Awaran 2:17

Impabilang nen Ari Solomon iray amin a sangkaili a manaayam ed dalin na Israel, a singa samay impamilang nen ama to a David ed saray totood Israel. Wala ray sanlasus, limamplo tan talon libo tan anem a lasus a sangkaili a manaayam ed Israel.

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

1 Saray Awaran 14:1

Si Ari Hiram na Tiro angibaki na totoo to ed kinen David; initdan to na saray troson sidro, tan saray karpintiro tan saray kantiro, ta igawaan day palasio si David.

2 Saray Arari 22:6

pian nabayaran da ray karpintiro, saray managpaalagey, tan saray kantiro, tan makasaliw iray tabla tan saray baton ikana ed panapiger na Timplo.

2 Saray Arari 12:12

saray kantiro, tan saray managtabas na bato, manaliw iray tabla tan saray baton ikana ed pampaapiger, tan bayaran da ray amin nin nakaukolan a panggastosan.

1 Saray Arari 6:7

Tinabas la ed panagtebagan iray baton inkana ed impamaalagey na Timplo, kanyan anggapoy nadngel a tanul na martilyo, wasay, odino antokaman a kagawaan a balatyang legan ya ipapaalagey so Timplo.

2 Samuel 5:11

Si Ari Hiram na Tiro angibaki na totoo to ed kinen David; initdan to na saray troson sidro, saray karpintiro tan saray kantiro ta ipaalageyan day sakey a palasio.

1 Saray Awaran 29:1

Inkuanen David ed amin da ray totoon nantitipon, “Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.

2 Saray Awaran 2:16

Mamatang kamid saray palandey na Libano na amin a naukolan mon sidro. Kayari to singeren mi ran singa lamo, insan mi ra iyanur ed dayat ya anggad Jope. Akaoley kayo lan mangalad man ya iyakar ed Jerusalem.”