1 Saray Awaran 22:19 - Maung A Balita Biblia

¹⁹ Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

Maung a Balita Biblia

¹⁹ Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.

1 Saray Awaran 22:19 Referans Kwoze

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

1 Saray Awaran 16:11

Laka yod Katawan tan kerew kayoy tulong to; tan igalang yo ed ando lan ando.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

1 Saray Awaran 22:7

Inkuanen David ed sikato, “Anak ko, nilabay koy mamaalagey nen saman na Timplon pamagalang ed Katawan kon Dios.

2 Saray Awaran 5:7

Insan saray papari inawit dad dalem na Timplo so Kaban na Sipanan na Katawan tan inyan dad Sankasantosan a Pasen, diad silong na saray payak da ra may kirubin.

1 Saray Arari 8:6

Insan saray papari inawit dad dalem na Timplo so Kaban na Sipanan tan inyan dad Sankasantosan a Pasen, diad silong na saray payak da ray kirubin.

1 Saray Arari 8:21

Nanggawa ak met na pasen ed Timplo a pangiliraan na Kaban na Sipanan a nankarga na saray tapyak a bato a tanda na impisipanay Katawan ed saray lalaki tayo nen impaway to ra ed Egipto.”

Saray Gawgawa 22:16

Natan sirin, ag ka la mantatayam-tayam. Alagey ka tan pabinyagan ka, tan paorasan mo ray kasalanan mo diad panamegley na itawag mod ngaran to.’”

2 Saray Awaran 6:11

Inyan kod Timplo so Kaban na Sipanan a nankarga na saray tapyak a bato a tanda na impisipanay Katawan ed saray totood Israel.”

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

1 Saray Arari 5:3

“Amtam ya ag akapangipaalagey si amak a David na timplon pangigalangan ed Katawan a Dios to, lapud mabetbet so impibakal tod saray kalaban ton bansa a wala rad kaliber-liber to. Ag makapangipaalagey na Timplo ya anggad say Katawan et panaloen tod saray amin a kalaban to.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Aggeo 1:5

Ag yo ta nanaimanoy nagagawad sikayo?

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Isaias 60:1

Bangon ka, Jerusalem, tan sinag kan singa agew; Onsisinag ed sikay kagalangan na Katawan!

1 Saray Awaran 22:16

na balituk, pilak, gansa, tan balatyang. Kanyan igapom la so kimey, tan mansiansia komun ed sika so Katawan.”

Saray Salmo 14:2

Manlapud tawen oosdungan na Katawan iray katoowan, ta labay ton nengnengen no wala ra kasiy makalakal, no wala kasiy mangigagalang ed sikato.

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

1 Saray Awaran 16:10

Manggayaga kayo, ta kayaryan to itayo; manliket komun ya amin iray mangigagalang ed Katawan!

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

Aggeo 1:8

Laka yo lad kapokdulan ta mangala kayoy kiew, tan ipaalagey yo lamet so Timplo; diad satan siak so napaliket tan nagalang ak onung na manepeg a kigalang ko.