1 Saray Awaran 22:16 - Maung A Balita Biblia

¹⁶ na balituk, pilak, gansa, tan balatyang. Kanyan igapom la so kimey, tan mansiansia komun ed sika so Katawan.”

Maung a Balita Biblia

¹⁶ na balituk, pilak, gansa, tan balatyang. Kanyan igapom la so kimey, tan mansiansia komun ed sika so Katawan.

1 Saray Awaran 22:16 Referans Kwoze

1 Saray Awaran 22:11

Intuloy ya inkuanen David, “Natan, anak ko, mansiansia komun ed sika so Katawan a Dios mo, tan sumpalen to komun so sipan to a sikay mamaalagey na timplon para sikato.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Josue 7:10

Inkuan na Katawan ed kinen Josue, “Bangon ka! Akin et mandodokul kad dalin ya ontan?

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

1 Saray Awaran 22:14

Diad impanggawak na anggaay nayarian ko, akatipon ak na ngalngalin apat a libon toniladan balituk tan ngalngalin apataplon libon toniladan pilak ya onkanan pamaalagey ed Timplo na Katawan. Likud nid saraya, masolusoluk iray ikanan gansa tan balatyang. Wala met iray akaparaan a kiew tan bato, balet aruman mo ni ra.

1 Saray Awaran 22:3

Angiter si David na amayamay a balatyang a gawaen a pamasak tan panigpit na saray kaput da ray puirta; angiter met na gansa ya ag nasimbang lapud kinarakel.

1 Samuel 20:13

No getma to ka nin pasakitan, pateyen ak komun na Katawan no ag ko paipakabat ed sika, pian nibatikan moy kaatapan. Wala komud sikay Katawan a singa inkiwala to nen saman ed kinen amak!

1 Samuel 17:37

Say Katawan inyagel to ak ed saray lion tan saray uso; iyagel to ak met ed saman a Filisteo.” Inmebat si Saul, “Sigi, laka, tan say Katawan wala komud sika.”

Saray Huis 4:14

Insan inkuanen Debora ed kinen Barac, “Laka! Say Katawan so mangipangulod sika! Natan ed sayan agew ipatalo tod sika si Sisara.” Kanyan inmakseb si Barac a nanlapud Palandey na Tabor a kaiba to ray samplon libon totoo to.

Josue 1:2

Inkuanto, “Inatey la si aripen kon Moises. Mamparaan kayo la sirin, sika tan amin da ray totood Israel; baliw yoy Ilog na Jordan diad iyakar yod dalin ya iiter kod sikayo.

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

1 Saray Awaran 22:15

Dakel iray kumikimey mo. Wala ray lalakin managtabas na bato, kantiro, tan karpintero. Amayamay met iray marunong ed antokaman a kimey a nayarian day mampanday

1 Saray Arari 2:2

Inkuanto, “Magano lay ipatey ko. Pabiskeg moy linawam tan ipanengneng mon laki ka;

1 Saray Arari 7:47

Ag impasimbang nen Solomon ira yan gansan kagawaan, ta diad karakel da ag nibagay belat da.

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

1 Saray Awaran 29:2

Ginawak so anggaay nayarian kon angiparaan na saray nakaukolan ed pamaalagey ed Timplo na Dios ko: balituk pilak, gansa, balatyang, tabla, saray nandoroman mabmablin bato tan alahas, saray baton nandoromay kolor, tan saray marmol.

2 Saray Awaran 1:1

Malet ya inoleyan nen Solomon a lakin anek nen Ari David so nanarian. Binindisionan na Katawan a Dios si Solomon tan impagmaliw ton makapanyarin tuloy.