1 Saray Awaran 22:1 - Maung A Balita Biblia

¹ Kanyan inkuanen David, “Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.”

Maung a Balita Biblia

¹ Kanyan inkuanen David, Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.

1 Saray Awaran 22:1 Referans Kwoze

2 Saray Awaran 3:1

Inggapo nen Ari Solomon ya impaalagey so Timplo na Katawan ed Jerusalem diad tapew na Palandey na Moria, a diay pinayawaran na Katawan ed kinen Ari David ya ama nen Solomon. Imparaan la ya nen David a pasen, a sikato ya may kawalaan na panagilikan nen Arauna a Jebuseo.

Genesis 28:17

Tinmakot tan inkuanto, “Makapataktakot yan pasen! Talagan sikato yay abung na Dios tan puirtay tawen.”

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

2 Samuel 24:18

Diad saman met lamlamang ya agew linmay Gad ed kinen David tan kuantod sikato, “Lakad panagilikan nen Arauna ta manggawa kad may altar a para Katawan.”

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

2 Saray Awaran 32:12

Sikatoy nandederal ed saray pasen a panangigalangan tan saray altar, insan to imbagad saray totood Juda tan Jerusalem a mangigalang tan mampool ira na insinso ed saksakey ya altar labat.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

1 Saray Awaran 21:30

balet ag akakar diman si David a mangigalang ed Dios, lapud antakot ed samay ispada na anghil na Katawan.

Deuteronomio 12:14

nepeg yo ran isaklang labat ed saksakey a pasen a pilien na Katawan ed dalin na sakey ed saray tribu yo. Diman labat so pangisaklangan yo na saray bagat a popoolan tan diman so panggawaan yod amin ya ingganggan kod sikayo.

Mateo 25:16

Samay akaawat na liman liboy pisos innigosio ton tampol, tan akatuboy liman liboy pisos.