1 Saray Awaran 21:30 - Maung A Balita Biblia

³⁰ balet ag akakar diman si David a mangigalang ed Dios, lapud antakot ed samay ispada na anghil na Katawan.

Maung a Balita Biblia

³⁰ balet ag akakar diman si David a mangigalang ed Dios, lapud antakot ed samay ispada na anghil na Katawan.

1 Saray Awaran 21:30 Referans Kwoze

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Saray Salmo 119:120

Lapud sika natatakot ak; lapud saray sintinsiam natatakot ak.

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

Say Libro nen Job 23:15

Manggiwgiw ak ed takot no wala ak ed arap to.

Say Libro nen Job 21:6

No nudnunoten koy agawad siak, nagugunigon ak tan mampayegpeg so laman ko.

Say Libro nen Job 13:21

Tondaan mo ak lan dusaen, tan ag mo ak la tataktakoten.

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

1 Saray Awaran 13:12

Insan tinmakot si David ed Dios tan kuanto, “Panon ko natan ya isempet so Kaban na Sipanan?”

2 Samuel 6:9

Insan tinmakot si David ed Katawan tan kuanto, “Panon ko natan ya isempet so Kaban na Sipanan?”

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

1 Saray Awaran 21:29

Diad sayan panaon wala nid altar ed Gabaon so Tuldan Ayamay Katawan a ginawa nen Moises diad kalawakan, tan say altar a nampopoolan ed saray bagat;

1 Saray Awaran 22:1

Kanyan inkuanen David, “Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.”