1 Saray Awaran 21:23 - Maung A Balita Biblia

²³ “Alam labat, Kagalang kon Ari,” kuanen Arauna, “ta gawam so labay mo. Nia ray bakan isaklang a bagat a popoolan; nia ray tablan panagilikan a nayarin pamparlang, tan say trigon isaklang a bagat. Iter ko ran amin ed sika.”

Maung a Balita Biblia

²³ Alam labat, Kagalang kon Ari, kuanen Arauna, ta gawam so labay mo. Nia ray bakan isaklang a bagat a popoolan; nia ray tablan panagilikan a nayarin pamparlang, tan sa trigon isaklang a bagat. Iter ko ran amin ed sika.

1 Saray Awaran 21:23 Referans Kwoze

1 Samuel 6:14

Tinmuloy imay kariton ed alog a kayaryan nen Josue a taga Bet-semes tan tinmondad man diad abay na baleg a bato. Binelang na saray totoo imay tablan kariton, tan pinatey da ra may baka, insan da ra insaklang a sakey a bagat a popoolan ed Katawan.

Jeremias 32:8

Insan, onung na imbagay Katawan, linmad siak si kapinsan kon Hanamel diad patio na palasioy ari tan kinerew tod siak, ‘Saliw mo pa la may alog ko ed Anatot a sakop na dalin na Benjamin. Sikay sankaasinggeran a kanayon ko, tan walay kanepegan mon manaliw tan mangayaryan ed saman ya alog. Saliw mo pa la.’ Akabatan ko lad saman ya ingganggan ak na Katawan a gawaen ko ya.

1 Saray Arari 19:21

Kayari ton nampatanir, inala to ra may baka to, pinatas to ra, tan inluto to ra. Insonglur to ray pako da ra may baka to. Inter tod saray totoo so aluton karni tan kinan da. Insan linma a tinmombuk a katambayan nen Elias ed saray kimey to.

1 Saray Awaran 21:22

Inkuanen David ed sikato, “Ilakom ed siak yay pasen a panagilikan mo, pian makapanggawa ak na altar a para Katawan, et ontonda lay salot. Iter kod sikay intiron bili to.”

1 Saray Awaran 21:24

Balet inmebat so ari, “Andi, bayaran kod sikay intiron bili to. Ag ak mangibagat ed Katawan na antokaman a kayaryan mo ya ag ko binayaran.”