1 Saray Awaran 21:12 - Maung A Balita Biblia

¹² Taloy taon ya eras? Odino taloy bulan a deralderalen kayo na saray kalaban yo tan ibatik-batikan yo ra? Odino taloy agew ya idogpa na Katawan ed sikayo so ispada to tan mangibaki na salot ed dalin yo tan say anghil to so ikana tod pampatey na saray totood intiron dalin? Anto so ebat mo ya ibagak ed Katawan?”

Maung a Balita Biblia

¹² Taloy taon ya eras? Odino taloy bulan a deralderalen kayo na saray kalaban yo tan ibatik-batikan yo ra. Odino taloy agew ya idogpa na Katawan ed sikayo so ispada to tan mangibaki na salot ed dalin yo tan say anghil to so ikana tod pampatey na saray totood intiron dalin? Anto so ebat mo ya ibagak ed Katawan?

1 Saray Awaran 21:12 Referans Kwoze

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Lucas 4:25

Balet kuankod sikayo ya amayamay so balon bibii ed Israel nen panaon nen Elias. Diad saman, taloy taon tan kapaldua ya ag inmoran a balut, kanyan walay balbaleg ya eras ed lapag na saman a dalin.

Saray Tagleey 4:9

Maung niy kipapasen da ray inaatey ed bakal nen saray inaatey ed eras; nankalkalnan naoyus so linawa ra, lapud anggapoy napambilay da.

Jeremias 47:6

Oneeyag kayo, ‘Ispada na Katawan! Kapigan ontonda so pantipas mo? Pawil ka lad kaluban mo, manayam ka lad tan a mampainawa!’

Jeremias 42:16

aboten kayod man na bakal a tatakotan yo, dalanen kid man na eras a pampapagaan yo, tan ompatey kid man ed Egipto.

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Saray Salmo 91:6

odino diad saray salot ya onsabi no ambilonget, odino diad saray kaogsan a mamatey no maliwawa.

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

2 Saray Arari 8:1

Inkuanen Eliseo ed samay biin taga Sunem, a say anak ton laki et pinabilay to, “Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.”

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Deuteronomio 28:35

Say Katawan limbosen to ray bikking tan olpo yo na ag onabig tan ansakit a giri; nalimbos kayo na pelsa, manlapud olo ya anggad sali.

Deuteronomio 28:27

Say Katawan paletawen toy pelsa ed laman yo, a singa samay ginawa tod saray Egipsio. Nagiri so intiron laman yo. Napanoy kegang so laman yo, onggatel ya amiy baog yo, balet ag kayo onabig.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:10

Diad karakel na anien yo sakey taon ya abastoen yo; ibantak yod satan so ombak a trigo yo, tan pambilay yo lay balo.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

1 Saray Awaran 21:11

Linma sirin si Gad ed kinen David, sinalita toy impaibaga na Katawan, tan tinepet to, “Dinay pilien mo?