1 Saray Awaran 2:42 - Maung A Balita Biblia

⁴² Mesa so ngaran na pangulowan a lakin anak nen Caleb a lakin agi nen Jerameel. Si Mesa so ama nen Zif, si Zif so ama nen Maresa ya ama nen Hebron.

Maung a Balita Biblia

⁴² Mesa so ngaran na pangulowan a lakin anak nen Caleb a lakin agi nen Jerameel. Si Mesa so ama nen Zif, si Zif so ama nen Maresa ya ama nen Hebron.

1 Saray Awaran 2:42 Referans Kwoze

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

1 Saray Awaran 8:29

Inletneg nen Jeiel so siudad na Gabaon, insan nanayam diman. Say ngaran na asawa to et Maaca,

1 Saray Awaran 2:52

Si Sobal ya angiletneg na Kiryat-jearim so sengeg na saray totood Haroe, say kapaldua ed saray Manahetita.

1 Saray Awaran 2:49

Nananak ni lamet si Maaca na duaran lalaki: si Saaf ya angiletneg na baley na Madmana, tan si Seva ya angiletneg na saray baley na Macbena tan Giba. Si Caleb wala niy anak ton bii a manngaray Acsa.

1 Saray Awaran 2:45

Si Samai so ama nen Maon ya ama nen Bet-sur.

1 Samuel 26:1

Wala ray pigaran taga Zif a linmad kinen Saul diad Gabaa tan imbaga rad sikaton manaamut si David diad pokdul na Hakila a nibokig na Jesimon.

1 Samuel 23:19

Walay pigaran taga Zif a linmad kinen Saul diad Gabaa tan kuanda, “Si David et manaamut ed Hores a lugar mi, diad palandey na Hakila a nisagur na kalawakad Juda.

Josue 15:24

Zif, Telem, Bealot,

Genesis 49:3

“Ruben ya anak kon pangulowan, sikay biskeg ko, Tan onaan ya anak ko nen kabisbiskegan ko, Say sankamapaatageyan tan sankabiskegan ed amin da ray anak kon lalaki.

1 Saray Awaran 2:41

Jecamias, tan Elisama.

1 Saray Awaran 2:43

Apatiray lalakin anak nen Hebron: di Core, Tapua, Rekem, tan Sema.

Josue 15:44

Ceila, Aczib, Maresa; siamiran siudad iran amin a pati saray baley ed kaliber-liber da.

Josue 15:55

Siudad da met ni ray onggendan: Maon, Carmelo, Zif, Juta,

1 Saray Awaran 2:9

Taloray lalakin anak nen Hezron: di Jerameel, Ram, tan Caleb.